Deputeti i Lidhjes Demokratike të Kosovës (LDK), Driton Selmanaj ka thënë se nuk përjashtohet mundësia që kjo Qeveri të rrëzohet me edhe votat e Listës serbe.
Selmanaj në “Dossier D” në RTV Dukagjini ka thënë se prioritet për LDK-në, është që klasa politike të kuptojë që Kosova ka nevojë për një qeverisje tjetër, por sipas tij qëndron edhe logjika për bashkëpunim me Listën serbe.
“Ideja jonë është që të krijojmë situatën që kjo kulturë qeverisëse është e dëmshme për vendin dhe se vazhdimi i kësaj qeverie do t’i shkaktojë dëme të mëdha vendin. Logjika jonë thotë se këta aq shumë e pritën Listën serbe për formimin e Qeverisë, madje këta edhe rrëzuan Qeverinë Mustafa bashkë me votat e Listës Serbe. Atëherë pse të mos bëhemi bashkë edhe ne me Listën serbe për ta rrëzuar këtë qeveri”, tha ai.
Deputeti i LDK-së thotë se më e preferueshme do të ishte rrëzimi i Qeverisë në bashkëpunim me subjektet politike shqiptare, e më pas të ndërtojmë një qeveri që nuk do të varej nga Lista serbe dhe Beogradi.
“Ne do të bisedojmë me Listën serbe dhe nëse vota e tyre do të jetë determinuese, pse të mos e rrëzojmë këtë qeveri. Por ideja jonë është që të bisedojmë edhe me partitë politike që janë në pushtet që ne t’i japim fund kësaj krize politike dhe institucionale, dhe që Kosova të ketë një qeveri tjetër e që nuk do të varej nga Lista serbe dhe Beogradi”, tha Selmanaj.
Selmanaj thotë se “jemi në rrugë të mbarë” për të konkretizuar bisedimet për rrëzimin e Qeverisë.
“Për rrëzimin e Qeverisë më Lëvizjen Vetëvendosje kemi qenë në vijë të njëjtë, ndërsa përkundër që PSD ka sjellë nënshkrimet për rrëzimin e qeverisë, sjellja e tyre politike në Kuvendin e Kosovës në raport me Qeverinë lenë për të dyshuar nëse këta më të vërtet duan rrëzimin e qeverisë, por nënshkrimet e tyre i kemi dhe nuk mund të nxjerrim konkludime tjera. Në parim PSD-ja është për rrëzimin e Qeverisë”, tha ndër të tjera Selmanaj. /Telegrafi/
Promo
Reklamo këtuLufta Prigozhin - Putin
Më shumëPolicia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Aktakuzë ndaj dy rusëve që u kapën në Jarinjë
Kurti, ambasadorëve të QUNT-it: Normalizimi i marrëdhënieve me Serbinë dhe anëtarësimi në Këshillin e Evropës nuk duhet të përzihen
Mickoski në VLEN, caktohet agjenda bashkëqeverisëse
Tentoi ta vriste për shkak se refuzoi të kryente marrëdhënie seksuale me të – Prokuroria nis hetimet për rastin në Fushë Kosovë
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'