Agjenti i Lautaros, Yaque: Nuk largohet nga Interi, askush nuk na ka thirrur ende për rinovim

Lautaro Martinez erdhi me shumë bujë te Interi, por deri më tani nuk ka pasur shumë minuta nga Luciano Spalletti.

Agjenti i lojtarit, Beto Yaque, është i dëshpëruar me paraqitjet e pakta, por beson se klienti i tij është në planet e së ardhmes të skuadrës zikaltër.

“Ka mundësi të huazohet? Absolutisht jo. Lautaro është pjesë e një klubi të madh dhe dëshiron të qëndrojë. Edhe pse nuk po luan, besojmë në vazhdimësi”.

“Është i bindur të qëndrojë 100 për qind te Interi? Po, natyrisht. Është i lumtur me zikaltrit. Nuk largohet. Jemi duke folur për një lojtar të madh. Shokët e skuadrës i ka të fortë, por ai ka treguar se mund të jetë i rëndësishëm për kauzën e Beneamatas”.

“E përsëris, është e vështirë të shikosh një si ai, me karakteristikat e tij, në bankën rezervë. Po i referohemi titullarit të Përfaqësueses së Argjentinës. Unë flas shumë me Lautaron, po flasim për një profesionist të përgatitur, që po pret rastin e tij”.

Lexo po ashtu Pesë sulmuesit që mund ta zëvendësojnë Suarezin te Barcelona

“Flitet për një rinovim? Të të them të vërtetën askush nuk na është afruar për ta hapur këtë temë. Por, Interi e dinë se nga ana jonë ka disponushmëri maksimale për ta bërë”, ka thënë Yaque.

Në 263 minuta lojë këtë sezon në Serie A argjentinasi ka shënuar një gol për Interin. /Telegrafi/

https://www.youtube.com/watch?v=0AlEsEzTl6M