Verratti: Grupi i hapur deri në fund, kënaqësi të luftosh me Liverpoolin dhe Napolin

Marco Verratti mendon se Paris Saint-Germain, Napoli dhe Liverpool, do të luftojnë deri në fund për kualifikim në fazën tjetër të Ligës së Kampionëve.

PSG me Angel Di Maria mori një barazim 2-2 në Parc des Princes, ndërsa Liverpooli mposhtën lehtësisht Cervena Zvezdan 4-0.

“Me këtë gol në fund, ne morëm një shtytje të madhe për ndeshjen e dytë”.

“Mendoj se ky grup do të jetë i hapur deri në fund. Është emocionuese, po luftojmë me ekipe të mëdha “.

Lorenzo Insigne shënoi golin e parë në ndeshje, ndërsa për Verrattin ishte një ribashkim me të, pasi së bashku kanë luajtur te Pescara në Serie B dhe janë pjesë e Italisë.

Ai u shpreh i lumtur që shoku i tij po luan mirë në Ligën e Kampionëve edhe pse ju shënoi gol.

“Unë në thelb jam rritur si futbollist së bashku me Lorenzon, kështu që për të parë atë këtu, në një lojë të tillë të rëndësishme dhe duke shënuar një gol shumë të mirë, është e këndshme”, deklaroi Verratti.

Liverpooli ka gjashtë pikë, Napoli ka pesë dhe PSG ka katër, ndërsa Cervena Zvezda ka një pikë në grupin që është konsideruar i vdekjes. /Telegrafi/