Mbrojtësi i Maltës, Agius: Kosova favorite e grupit, por mund të marrim pikë

Andrei Agius, njëri ndër lojtarët kryesor të Maltës, beson që mund ta dalin me rezultatin pozitiv nga ndeshja me kundër Kosovës.

Ekipi ka arritur nga ishujt në Prishtinë përpara ndeshjes që zhvillohet nesër.

Pas barazimit 1-1 kundër Azerbajxhanit në stadiumin kombëtar muajin e kaluar, maltezët shpresojnë  në një tjetër rezultat pozitiv.

Agius e vlerëson shumë Kosovë dhe e sheh si më të fortën e grupit, por beson që kundër çdo kundërshtari në grup, ata mund të marrin pikë.

“Unë mendoj se ky ekip mund të marrë pikë kundër çdo kundërshtari në këtë grup”.

“Duke filluar nga ndeshja e ardhshme në Prishtinë, e dimë se Kosova është një skuadër shumë e fortë”.

“Sipas mendimit tim ata janë favorit për ta mbyllur si kryesues grupin, pasi janë të bekuar me një mori lojtarësh që kanë cilësi të lartë”.

“Megjithatë, unë besoj se ekipi ynë është i aftë që tu treguar kritikëve se e kanë gabim dhe të kërkojë diçka nga kjo ndeshje, por vetëm nëse i përmbahemi planit tonë të lojës”, ka thënë Agius për Times of Malta.

Kosova luan të enjten ndaj Maltës nga ora 20:45. /Telegrafi/