Formacionet zyrtare: Derbi ndërmjet Liverpoolit dhe Chelseat bartet në Kupën EFL

Shorti për raundin e tretë të EFL Cup (të njohur edhe si Carabao Cup) i ka nxjerrë përballë Liverpoolin dhe Chelsean.

Dy rivalët e futbollit anglez do të ndeshjen në Anfield për të kërkuar një vend në raundin e katërt.

Redsat janë në formë fantastike në këtë fillimsezoni në Ligën Premier, ku i kanë fituar të gjashtë ndeshjet e parë dhe kryesojnë në tabelë.

Njëherësh, të zgjedhurit e Jurgen Klopp e filluan mbarë edhe Ligën e Kampionëve duke fituar kundër Paris Saint-Germainit (3-2) në ndeshjen e parë të fazës grupore.

Nga ana tjetër, ekipi i Maurizio Sarrit pas katër fitoreve radhazi në kampionatin anglez, barazoi pa gola kundër West Ham Unitedit dhe ka mbetur dy pikë prapa liderit.

Formacioni startues i Liverpoolit: Mignolet, Clyne, Lovren, Matip, Moreno, Fabinho, Milner, Keita, Shaqiri, Mane, Sturridge.

Formacioni startues i Chelseat: Caballero, Azpilicueta, Christensen, Cahill, Emerson, Fabregas, Kovacic, Barkley, Moses, Willian, Morata.

Pritet të shihet se cila nga këto skuadra do të jetë më e vendosur në kërkim të kualifikimit të mëtutjeshëm. /Telegrafi/