Pas publikimit në media të emrave të rreth 20 mijë veteranëve që dyshohen të jenë të rrejshëm sipas Prokurorisë Speciale të Kosovës, ka filluar komprometimi i hetimeve për mashtrimin me listat e veteranëve të Ushtrisë Çlirimtare të Kosovës (UÇK).
Kjo pasi në listat e veteranëve të rrejshëm të UÇK-së sipas aktakuzës së ngritur nga ish-prokurori Elez Blakaj, bëjnë pjesë edhe veteranë të vërtetë të luftës së UÇK-së gjatë viteve 1998-99.
Në mesin e veteranëve të vërtetë që është futur në listën e atyre të rrejshëm, është edhe Blerim Vllasaliu, nga Novobërda.
Edhe pse 18 vjeçar, ai në vitin 1999 ia kishte mësyrë Ushtrisë Çlirimtare të Kosovës (UÇK), për të luftuar për vendin e tij.
Blerimi ishte ushtar në Zonën Operative të Karadakut.
Për Telegrafin thotë se ishte habitur dhe i fyer kur e kishte gjetur emrin e tij në listën e “veteranëve të rrejshëm”.
Ai thotë se posedon të gjitha dokumentet që vërtetojnë që ka qenë pjesëtar i UÇK-së. Madje thotë se e njohin të gjithë, shokët luftëtarë në atë zonë.
Blerimi, thotë se nëse nuk ndryshohen këto lista, ai do të dërgojë rastin në Gjykatë.
” Si 18 vjeçar, unë nuk kam shkuar në luftë për përfitime, kam shku me luftu për vendin. Nuk e kam ditë a vritem a e gëzojë lirinë. Unë jam ndjerë shumë i poshtëruar kur e kam kuptuar që ndodhem në listën e veteranëve të rrejshëm. Askund në botë nuk ndodhë që të publikohet diçka pa u vërtetuar, ka thënë Vllasaliu për Telegrafin.
Ndërkohë, Aktakuza e dorëzuar në gjykatë, me emrat dhe të dhënat personale të personave që dyshohet se janë përfitues të kundërligjshëm në emër të statusit të veteranit të Ushtrisë Çlirimtare të Kosovës, po konsiderohet të jetë e qëllimshme.
Njohës të drejtësisë dhe çështjeve politike në Kosovë, thonë lista të cilës iu shtuan mbi 1300 emra të rinj, u bë me qëllim që të dështohet ky proces tutje në gjykatë.
Për këtë, Prokurori i dorëhequr, Elez Balakaj, që merrej me çështjen e veteranëve, pas këtij publikimi, ka deklaruar se nuk mban përgjegjësi për aktakuzën, meqë sipas tij, ajo ka pësuar shumë ndryshime, duke u shtuar kështu mbi 1300 emra të rinj.
Gjithashtu, Kryesia e Organizatave të Veteranëve të Luftës së ushtrisë Çlirimtare të Kosovës ditë më parë, kanë vlerësuar se është bërë shkelje me publikimin e listës së atyre që mendohet se kanë përfituar kundërligjshëm.
Kryetari i OVL të UÇK-së, Hysni Gucati ka deklaruar se me publikimin e listës Prokuroria me këtë veprim duke shpallur përfitues të kundërligjshëm 20 mijë e 238 veteranë, i ka shpallur të dyshuar pa u dhënë mundësia në mbrojtje dhe sfidimin e provave që shkojnë në dëm të tyre në fazën e hetimit penal./Telegrafi/
Promo
Reklamo këtuLufta Prigozhin - Putin
Më shumëNga Rubrika
Vrau tri gra brenda pak orësh në Tiranë, Dan Hutra dëshmon në SPAK: Kam informacione për disa ngjarje kriminale
Tentuan t’ia vënë zjarrin shkollës “Meto Bajraktari” në Prishtinë, reagon Drejtoria e Arsimit: Të zbulohen motivet e sulmit kriminal mbi objektet shkollore
MPB jep detaje për aksidentin në Radovish
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE dhe çështja e Asociacionit - si e parasheh Tahiri procesin në Komitetin e Ministrave?
Reshjet e shiut vështirësojnë komunikacionin në magjistralen Prishtinë - Ferizaj, Policia apelon për kujdes gjatë vozitjes
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Vdes një grua në Repartin e Gjinekologjisë në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City