Kryetari i Këshillit Kombëtar të Nismës Socialdemokrate, Jakup Krasniqi ka komentuar ardhjen e presidentit serb Aleksandar Vuçiq në Kosovë.
Përmes një shkrimi për media ai ka thënë se vizita e Vuçiqit nuk do të duhej të ndodhte pas nuk ka asnjë element protokollar në mes të shteteve.
“Kosova në koordinim me faktorin ndërkombëtar më 17 shkurt 2008 e ka shpallur pavarësinë e saj dhe nga atëherë deri më sot e kanë njohur mbi 115 vende të botës. Pra Kosova është shtet i pavarur dhe sovran dhe ka shumë njohje ndërkombëtare, bile ka plotë shtete në Botë që nuk kanë kaq shumë njohje. Por, natyrisht ato nuk e kanë pasur pengesën e vetos ruse në Këshillin e Sigurimit. Nuk ka asnjë dyshim, Kosova është shtet i pavarur dhe sovran. Prandaj vizitat e zyrtarëve të lartë të shtetit duhet të kenë e të vinë në vijën protokollare që dihet botërisht. Vizita e Vuçiqit nuk e përmban asnjë element protokollar në mes të shteteve dhe si e tillë që është, është jashtë çdo protokolli, nuk është dashur që të ndodh”, thotë Krasniqi.
Krasniqi shton se për të mos ndodhur kjo nuk është dashur të zhvilloheshin bisedimet politike të Brukselit në mes Kosovës e Serbisë dhe pa këto bisedime “nuk do ta kishim as fusnotën e as Listën Serbe në institucionet e Kosovës e cila është bartëse e politikës serbe në jetën institucionale të Kosovës”.
“Po të ishte vizitë ardhja e Vuçiqit në Kosovë, ai se pari do të takohej me zyrtarët e lartë të shtetit të Kosovës dhe kjo nuk ka ndodhur. Atëherë, a mund të quhet vizitë ardhja e tij në Kosovë dhe kryesisht në pjesën e Kosovës që e pretendon ta aneksoj? Ose thënë më saktë, atë pjesë që ai dhe bandat e tij e bëjnë ligjin. Natyrisht që përgjegjësia është si e atyre që i udhëhiqen ato bisedime dhe e atyre që i mbështeten ato”, shprehet Krasniqi.
Sipas tij kjo nuk është vizitë, është diversion në një pjesë të shtetit tonë, është shkelje e sovranitetit të shtetit dhe e gjithë kjo maskaradë e përcjellë nga Policia e Kosovës.
“Sovranitetin e shtetit e garanton Kushtetuta si akt më i lartë i shtetit?! Dhe krejt kjo maskaradë u bë me lejen e atyre që do të duhej ta mbronin sovranitetit. E keqja është se kjo tani më është bërë rrugë e rrahur! Kjo ishte arsyeja që Luani nuk lejoj që mustakët e tija të bëheshin autostradë e minjve!”, thotë Krasniqi.
Sipas Krasniqit ky është hapi i parë për t’ia rrëmbyer Kosovës një hapësirë vitale të saj.
“Prandaj kjo nuk është vizitë, por është hapi i parë për t’ia rrëmbyer Kosovës një hapësirë më vitale të saj?! Kjo ardhje është më e rrezikshme sesa treni nacionalist i para pak viteve dhe i cili që penguar të hynte në Kosovë. Pse sot u veprua ndryshe? Apo janë duke u realizuar dëshirat e Presidentit tonë, për ndryshimin e kufijve të Republikës sonë?! Tani, kur Presidenti ynë do ta vizitoj hapësirën e Kosovës Lindore që do t’i bashkohet Kosovës?”, thotë Krasniqi
Promo
Reklamo këtuLufta Prigozhin - Putin
Më shumëNga Rubrika
Qendrat e Mjekësisë Familjare pa shërbime të pastrimit nga punëtorët teknik, Azemi: Nuk do të punojmë pa u nënshkruar kontrata e re
Kanosje, sulm fizik e mesazhe kërcënuese – disa raste të dhunës në familje të raportuara në Polici
Bytyqi: Huamarrja joinstitucionale e paralajmëruar do të rrisë borxhin publik në 66% të BPV-së
Televizioni zviceran SRF me kronikë për 25 vjetorin e çlirimit të Kosovës
SHBA "shuplakë" Dodikut dhe Vuçiqit: Deklarata “gjithëserbe” sulm i rrezikshëm ndaj Dejtonit dhe institucioneve të Bosnjës
Anulohet vizita e Bernard Kouchner në Kosovë
25 vjet nga fundi i Serbisë në Kosovë, vizita e ish-kryeministrit britanik, Tony Blair dhe deklaratat e tij
Suli: Nëse shpallet i pafajshëm, Beleri do lërë mandatin e eurodeputetit për Himarën
Hovenier për deklaratën e Serbisë dhe Republikës Srpska: S’është qëndrimi ynë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Çmenduria që po synon ta bëjë Man City me Fodenin ka "frikësuar" edhe Real Madridin
Po largohet nga Real Madridi "krahu i djathtë" i Ancelottit
Ky është plani i ri i Gjermanisë në rast të një lufte në Evropë – me kërcënimet në rritje nga Rusia
Pique ka publikuar llogarinë bankare për të treguar se si duket paga e një futbollisti të nivelit elitar
Çfarë dihet deri më tani rreth zgjedhjeve për Parlamentin e ri Evropian?
AMP