Spalletti: Duhej të ishim më kreativë, por edhe të fitojmë ndeshjet

Luciano Spalletti pranon se Interi duhej të ishte pak më kreativ për të zhbllokuar rezultatin më herët, por ishte i kënaqur me fitore 3-0 ndaj Bolognas.

Interit iu desh të pres deri në minutën e 67-të për të marr epërsinë në Stadio Dall’Ara, por përfundimisht Radja Nainggolan, Antonio Candreva dhe Ivan Perisic siguruan fitoren me rezultat 3-0 dhe kjo e lumturoi trajnerin Spalletti.

“Kishte tre gola të mrekullueshëm dhe skuadra e mposhti tensionin, pasi pas golit të parë, Bologna hapi hapësirat dhe u përpoq të na sulmonte”, ka thënë fillimisht Spalletti për Sky Sport Italia.

Lexo po ashtu Nainggolan debuton me gol në fitoren bindëse të Interit ndaj Bolognas

“Kishte rrezik që dominimi i posedimit dhe kalimi i topit për të kërkuar një hapësirë ​​do të përfundonte duke u lejuar atyre një kundërsulm të rrezikshëm. Për fat të mirë, nuk ndodhi asnjëherë”.

“Ne duhet të ishim pak më krijues, kreativ dhe të kishim më shumë kualitet në fazën e fundit të sulmit për tu zhbllokuar më herët”.

“Me lojtarët e këtij talenti, ne duhet të fitojmë ndeshjet. Natyrisht, ne e dimë nga e kaluara jonë se kjo nuk përkthehet domosdoshmërisht në këtë mënyrë. Ne duhet të gjejmë ekuilibrin tonë dhe të injorojmë gjithçka rreth nesh për të marrë rezultatet”.

Lexo po ashtu Bologna 0-3 Inter, nota e Xhemailit dhe të tjerëve

“Ajo që duhet të bëjmë kundër skuadrave të tilla mbrojtëse është kontrollimi i topit mirë, të jemi përreth topit dhe mbështetja e lëvizjeve në fazën sulmues”.

“Disa nga lojtarët tanë duhet të gjejnë nivelet e tyre të fitnesit, pasi kemi nevojë për cilësi dhe emra për të fituar, por edhe punë të madhe dhe djersë në fushë”, përfundoi italiani. /Telegrafi/