Përse na vjen erë e keqe nga goja kur është jashtë ngrohtë?

Ditëve kur merkuri në termometër është ngritur, ne djersitemi dhe kështu ndihemi jo këndshëm kur gjurmët e djersës shfaqen në rroba. Pos të bartim me vete rroba rezervë, nuk mund të bëjmë tjetër kur është fjala për djersitjen

Jo vetëm që luftoni me djersitjen, por mund t’ju shfaqet edhe erë e keqe si e djersës ashtu edhe e gojës.

Deri te shfaqje a erës së pakëndshme nuk vjen vetëm për shkak të higjienës së keqe, por edhe për shkak të motit. Ekspertët thonë që kjo është pasojë e dehidratimit.

Moti i ngrohtë, siç e dimë, shkakton djersitjen dhe sa më shumë që djersitemi aq më shumë dehidratohemi.

Kur jeni të dehidratuar, goja juaj bëhet e thatë dhe e ngjitshme dhe pa pështymë dhe ujë, thartira në gojë nuk është e neutralizuar dhe qelizat e vdekura ngjiten për mishin e dhëmbëve, gjuhë dhe faqe,  transmeton Telegrafi.

Lexo po ashtu Tri mënyra për ta larguar erën e keqe të gojës brenda 5 minutave

Goja e thatë mund të shtojë edhe rrezikun nga kariesi dhe infeksionet në gojë. Zgjidhja më e mirë është që të pini lëngje të mjaftueshme, posaçërisht ujë dhe t’i kushtoni kujdes higjienës së gojës.

Mbani higjienën me brushë adekuate, me pastë për dhëmbë dhe lëng për gojë.

Shprehitë tona në ushqim gjatë verës gjithashtu kanë ndikim në atë që a do të kemi erë të pakëndshme. Pijet e gazuara, mishi i skarës, ëmbëlsirat dhe pijet e ëmbla bëjnë që gojët tona të jenë të mbushura me baktere.

Për ta shmangur erën e keqe, lani dhëmbët së paku dy herë në ditë, pini më shumë ujë, zvogëloni pirjen e duhanit dhe shmangni alkoolin dhe kafeinën.

Shmangni ushqimin i cili ju krijon erë të pakëndshme dhe pas konsumimit të ëmbëlsirave apo të ushqimit të aromatizuar patjetër lani dhëmbët apo përtypni çamçakëz pa sheqer. /Telegrafi/