Mbi shtatë milionë euro vlerësohen dëmet e shkaktuara në kulturat bujqësore nga reshjet e shiut të javëve të fundit, në disa komuna të Kosovës, thonë zyrtarë të Qeverisë.
Në mesin e bujqve të dëmtuar është edhe Bedri Morina, nga fshati Drenoc në komunën e Malishevës, i cili për Radion Evropa e Lirë tregon se e gjithë sipërfaqja e të mbjellave në lagjen ‘Morina’ është dëmtuar.
Ai tregon se sipërfaqja me mbi 20 hektarë të mbjella me kulturën e grurit është dëmtuar, kurse rreth dy hektarë kanë qenë të mbjella me perime, e të cilat po ashtu janë dëmtuar komplet.
Morina, megjithatë thotë se nuk është bërë ndonjë vlerësim i dëmeve.
“Patatet, domatet, specat, shalqiri, rrushi dhe pemët, të gjitha janë dëmtuar”, tregon Morina.
Adem Arifaj, shef i Divizionit për Mbrojtjen e Bimëve, në kuadër të Ministrisë se Bujqësisë, njëherësh kryetar i Komisionit për vlerësimin e dëmeve në nivel vendi, thotë Radion Evropa e Lirë se kulturat më të dëmtuara gjatë këtij viti janë gruri, pemët, vreshtat dhe perimet.
Sipas vlerësimeve nga terreni, thotë Arifaj, vlera e dëmeve kalon mbi shtatë milionë euro.
Ndryshe, Qeveria e Kosovës ka miratuar vendimin për kompensim të menjëhershëm të dëmeve të shkaktuara këtë vit nga reshjet e shiut dhe breshrit nëpër komunat e Kosovës.
Por, nuk ka përcaktuar shumën e kompensimit, pasi siç është thënë, kjo do të jetë subjekt i analizës dhe mundësive buxhetore.
Krahas kësaj, Qeveria ka autorizuar Ministrinë e Financave për krijimin e një fondi të veçantë për vitin 2019 dhe themelimin e Komisionit që do të krijojë sistemin e sigurimeve të prodhimtarisë bujqësore në Kosovë, për ta stabilizuar tregun e bujqësisë në vend dhe për t’i dhënë përkrahje kësaj fushe.
Por, bujku Bedri Morina tregon se deri më tani, nuk ka marrë ndonjë përgjigje nga niveli komunal apo qendror për mundësinë e kompensimit tëdëmeve.
“Në komunën e Malishevës më kanë thënë se nuk kemi mjete për kompensim. Por, megjithatë, zyrtarë të komunës kanë pohuar se nëse ndahen mjete nga Qeveria, mundësitë ekzistojnë. Sidoqoftë, deri më tani ne nuk kemi asnjë informatë për kompensim të dëmeve”, thotë Morina.
Për ndikimin e reshjeve në zhvillimin e bimëve flet edhe Ymer Rusiniovci, profesor në Fakultetin e Bujqësisë në Universitetin e Prishtinës.
“Reshjet te gruri ndikojnë negativisht sepse ulë peshën e grurit, prolongon procesin e korrjes dhe për pasojë mielli që do të realizohet nga ngastrat kultivuese të prodhimit vendor, këtë vit do të ketë cilësi më të ulët. Situatë të ngjashme është edhe te një pjesë të konsiderueshme të perimeve që kanë invazion të madh të reshjeve, përkatësisht të lagështisë”, thotë Rusinovci.
Republika e Kosovë ka një sipërfaqe prej mbi 10 mijë kilometra katrorë, kurse sipas vjetarit statistikor të Agjencisë se Statistikave te Kosovës, sipërfaqja e shfrytëzuar e tokës për prodhimtari bujqësore në vitin 2016 ka qenë mbi 416 mijë hektarë. Nga kjo sipërfaqe, ara të punueshme kanë qenë mbi 180 mijë hektarë, kurse kopshte rreth 1,000 hektarë. /REL/
Promo
Reklamo këtuLufta Prigozhin - Putin
Më shumëNga Rubrika
Shefja e USAID: Vlerësimi i Kosovës nga FITCH tërheqë investime të huaja
Franca është magnet për investitorët e huaj – cilat reforma i bëri për t’i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Bëhu banor i kryeveprës së Prizrenit - Grand Residence
Qysh bohet kerri i vogël, kerr i ri!
Kurrë s’e ke pas ma lehtë se me Telegrafi Jobs me gjetë punë!
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Çfarë monedhe do të kishte Skocia e pavarur?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak