Reali me filozofi të re, nuk ka më “Galaktikë”, Florentino Perez: Klubi kërkon talent të ri që kanë ambicie për fitore

Kampionët e trefishtë rresht të Ligës së Kampionëve, Real Madridi po ndërton në ekip të së ardhmes, e cila gjë mund të jetë lajm i mirë për klubet tjera evropiane.

Florentino Perez ka pohuar se tashmë nuk do të ketë shpenzime të mëdha dhe se do të fokusohen në talente të reja dhe në lojtarët e akademisë.

Lexo po ashtu Prezantohet Vinicius Junior: Real Madridi është kulmi i futbollit

“Pak nga pak ne po hedhim themelet e të ardhmes së ekipit tonë”, tha gjatë prezantimit portierit Andriy Luninit.

“Ne duam të inkorporojmë talentin e ri që do të formësojë të ardhmen, lojtarët që aspirojnë maksimumin”.

“Pas titujve të mëdhenj në garat evropiane, ne do të vazhdojmë të jemi besnikë ndaj mënyrës sonë të kuptimit të këtij sporti, që na ka dhënë aq shumë sukses”.

“Klubi ynë ka ndërtuar mitin dhe legjendën e saj mbi bazën se askush nuk dorëzohet dhe ne gjithmonë duhet të aspirojmë për gjithçka”, shtoi ai.

Lexo po ashtu Perez gjatë prezantimit të Odriozolas: Shumë lojtarë fantastik po vijnë te Reali

Nuk dihet nëse kjo ka nënkuptuar që madrilenët nuk do të sjellin ndonjë super yll si në të kaluarën, por së fundi janë përfolur si Neymar, Eden Hazard, Kylian Mbappe që mund ta zëvendësojnë Ronaldon që u transferua te Juventusi.

Ndryshe, Reali deri më tani ka transferuar në radhët e veta Vinicius Junior (18), Rodrygo Goes (17) and Andriy Lunin (19). /Telegrafi/