Guvernatorët amerikan të shqetësuar për tarifat tregtare

Takimi Veror i Shoqatës Kombëtare të Guvernatorëve sapo përfundoi në Santa Fe të New Mexico.

Guvernatorët e shteteve në SHBA janë shprehur të shqetësuar rreth paqartësive të shkaktuara nga tensionet e tanishme të tregtisë botërore dhe shpresojnë në përfundimin e konfliktit të tanishëm tregtar përmes negociatave, përcjell Telegrafi.

Guvernatori i shtetit të Washingtonit, Jay Inslee, u shpreh se nën renë e pasigurisë në tensionet tregtare, do të ndikohet jo vetëm bujqësia, por edhe industritë e tjera.

John Hickenlooper, guvernatori i Kolorados, thotë se marrëdhëniet e shëndosha tregtare shërbejnë si një forcë motivuese për ekonominë botërore dhe stabilitetin ndërkombëtar, por tensioni tregtar do të shkatërrojë besimin reciprok.

Lexo po ashtu BE-ja kërkon nga Kina, SHBA-ja dhe Rusia të parandalojnë konfliktet tregtare

Statistikat nga Këshilli i Biznesit i SHBA-Kinë tregojnë se në dhjetë vitet e fundit, Shtetet e Bashkuara kanë rritur eksportet e tyre në Kinë. Të gjitha eksportet e shërbimeve të Shteteve të Bashkuara në Kinë u rritën ndjeshëm me mbi 300 për qind të eksportit të shërbimeve.

Në dekadën e fundit, eksportet e Uashingtonit në Kinë janë rritur me 240 për qind.

Lexo po ashtu Lufta tregtare me Kinën, SHBA shton listën e produkteve me vlerë 200 miliardë dollarë

Kujtojmë se SHBA-ja ka intensifikuar luftën e saj tregtare me Kinën, duke hartuar një listë produktesh me vlerë 200 miliardë dollarë, që planifikon t’u vendosë tarifa që nga shtatori. /Telegrafi/