Infantino: Kampionati Botëror më i miri ndonjëherë

Presidenti i FIFA-s, Gianni Infantino ka cilësuar Kupën e Botës “Rusia 2018” si Kampionatin Botëror më të mirë ndonjëherë.

Kampionati Botëror ka arritur në fazën finale, ku trofeu do të diskutohet të dielën nga ora 17:00 në finalen e madhe në mes të Francës dhe Kroacisë.

Ky botëror ka dhuruar emocione të mëdha dhe ndeshje interesante, teksa përgëzimet më të mëdha ka pasur presidenti Infantino, i cili e ka cilësuar si më të mirin ndonjëherë.

Lexo po ashtu Infantino: 48 kombëtare mund të marrin pjesë në Botërorin e Katarit

“Disa vite më parë, unë thashë se ky do të ishte Kampionati Botëror më i mirë ndonjëherë. Sot mund të them me bindje të re, është Kupa Botërore më e mirë ndonjëherë”, ka thënë fillimisht Infantino në një konferencë shtypi në Moskë.

“Ne kemi pasur 98 për qind të stadiumeve të mbushura, më shumë se një milion tifozë që udhëtuan nga jashtë, më shumë se tre miliardë shikues në TV”.

“Në kanalet digjitale të FIFA-s, përmbajtja është parë më shumë se 11 miliardë herë, pati shtatë milionë vizitorë në festat e tifozëve, sukses i madh me VAR-in dhe anti-dopingu ka dhënë teste të papara deri më tani”.

Lexo po ashtu Zyrtare: FIFA konfirmon datat e Botërorit 2022, do të luhet në dimër

“Kemi pasur vetëm një ndeshje që ka përfunduar 0-0 dhe kemi pasur disa ndeshje të mira, të gjitha kishin shumë emocione”

“Edhe në anën organizative, niveli i përsosmërisë në infrastrukturë në stadiume, aeroportet, hotelet, transportin, sigurinë, niveli i përsosmërisë operacionale ka qenë vërtet, vërtetë i pashembullt”, përfundoi Infantino. /Telegrafi/