Infantino: 48 kombëtare mund të marrin pjesë në Botërorin e Katarit

10 Qershori është data për FIFA-n që të vendosë për të ardhmen e Kupës Botërore dhe Gianni Infantino është i gatshëm të shpalos idenë me 48 ekipe kombëtare në vitin 2022.

Fillimisht e planifikuar për zgjerim në vitin 2026, Kupa Botërore mund të rritet në Katar, pasi vendet e Amerikës Jugore paraqitën një mocion për të zgjeruar numrin e kombëtareve pjesëmarrëse.

Lexo po ashtu Evoluimi i topit të botërorit, prej vitit 1930 deri më 2018

Megjithatë, kombi i Lindjes së Mesme tashmë është kritikuar për mungesën e madhësisë apo trashëgimisë së futbollit dhe mbajtja e një turneu të zgjeruar në gadishullin duket një objektiv i pamundur që do të kërkonte një bashkë-host.

“Për momentin kemi një Kupë Botërore me 32 skuadra që do të luhet në Katar, që është situata aktuale”, tha presidenti i FIFA-s, Infantino.

“CONMEBOL bëri një kërkesë interesante, kështu që ne do të duhet ta shikojmë atë. Ekipe më shumë do të thotë më shumë stadiume, më shumë vende, hotele të tjera, më shumë transporte”.

“Nëse kjo është e mundur në Katar është një pikëpyetje, por duhet të shqyrtohet. Ju keni nevojë për shumë njerëz që të bien dakord të kaloni atë rrugë dhe mendoj se është e parakohshme”.

“Nuk ka të ngjarë që ne të ndryshojmë, por nuk mendoj se duhet të shqetësohemi për të diskutuar propozimet. Natyrisht që Katari duhet të pajtohet”.

Duke pasur parasysh çështjet diplomatike të Katarit me fqinjët Arabinë Saudite, Bahrein, Emiratet e Bashkuara Arabe dhe Egjiptin, disa kanë paraqitur mundësinë që edhe Irani t’i bashkohet Kupës së Botës 2022 me 48 ekipe. Nuk kam asnjë ide,” tha Infantino për atë përfundim të veçantë.

Lexo po ashtu Të gjitha lajmet rreth botërorit Rusia 2018

“Natyrisht, gjithçka është e hapur. Le të shkojmë hap pas hapi”, tha italiani. /Telegrafi/