Chelsea pranon ofertën e Real Madridit për Courtois?

Real Madridi thuhet se ka arritur marrëveshje për portierin e Chelseat, Thibaut Courtois, zbulojnë mediat spanjolle.

Mbretërit janë në kërkim të një portieri të ri për sezonin e ardhshëm pasi duan të zëvendësojnë Keylor Navasin.

Si duket kërkimi i tyre nuk ka zgjatur shumë pasi sipas mediave në Spanjë, Los Blancos tashmë kanë arritur marrëveshje për Courtois.

Lexo po ashtu Reali nuk dorëzohet për Courtois, Chelsea e zëvendëson me Butland

Sipas mediumit El Chiringuito de Jugones, Real Madridu dhe Chelsea kanë arritur marrëveshje për transferimin e belgut.

Ky medium raporton se marrëveshja është arritur për një tarifë prej 35 milionë eurosh, që në dukje duket shumë e ulët për një portieri si Courtois.

Courtois tani është brenda vitit të fundit të marrëveshjes së tij të tanishme me Blutë dhe favorizon një lëvizje në Madrid, ku jetojnë fëmijët e tij.

Lexo po ashtu Thibaut Courtois i mungon Madridi, aludon në rikthimin në kryeqytetin spanjoll

Transferimi do të shpallet pas Kupës Botërore pasi Courtois do të luajë kundër Anglisë të shtunën në St Petersburg për vendin e tretë.

“Çështja është se fëmijët e mi jetojnë në Madrid dhe do të doja t’i kisha pranë. Kjo nuk do të thotë se do të kthehem në Spanjë, por për mua janë shumë të rëndësishëm”, ka thënë Courtois para një jave. /Telegrafi/