Mauricio Pochettino ka pesë ditë kohë që të vendos për ofertën e Real Madridit

Real Madridi është i interesuar për Mauricio Pochettino i cili shihet si pasardhës i Zinedine Zidane, i cili u largua nga Santiago Bernabeu.

Trajneri argjentinas u ka kërkuar pesë ditë kohë që të vendos për të ardhmen e tij.

Tottenhami i ka vazhduar kontratën javën e shkuar trajnerit, por në ditët e fundit është i lidhur  me kalimin te Real Madridi.

Ai është kontaktuar nga Los Blancos nëpërmjet një shoku të tij që vepron si agjent.

Komentet e tij të fundit tregojnë se ai nuk do të prish marrëdhëniet me të parin e Tottenham, Daniel Levy, dhe po e pret vendimin e tij që të lëviz drejt Real Madridit.

Fakti që largimi i Zidane erdhi kaq papritur, trajneri argjentinas kishte pritur të qëndronte te Tottenham së paku deri në sezonin 2019/20.

Ai kishte filluar ta planifikonte sezonin e ri me klubin anglez. Tani situata ka ndryshuar dhe Pochettino duhet të marrë një vendim.

Pochettino dëshiron të stërvitë një ditë Real Madridin, por gjithashtu dëshiron të mbetet mirë edhe me klubin londinez.

Për të mos e kthyer në dramë të ardhmen e tij ai ka kërkuar vetë pesë ditë kohë që të vendos për të ardhmen. /Telegrafi/