Spalletti: Icardi dëshiron të qëndrojë, por duhet te jemi gati për gjithçka

Trajneri i Interit, Luciano Spalletti, i ka siguruar tifozët që Mauro Icardi dëshiron të qëndrojë, por sipas tij duhet të jenë gati për gjithçka.

Sulmuesi argjentinas ka një klauzolë lirimi prej 110 milionë euro në kontratën e tij dhe është folur për një largim të tij gjatë verës.

Kapiteni i Interit ka qenë i lidhur ngushtë me Real Madridin, por edhe me skuadra tjera të mëdha evropiane.

Lexo po ashtu Shumë klube janë të gatshme ta paguajnë klauzolën e Icardit

Megjithatë, trajneri i Interit, Spalletti, ka thënë se ka folur me Icardin dhe dëshira e tij është për të qëndruar tek Nerazzurrët.

“Unë kam folur me Mauron disa herë dhe ai dërgoi sinjale shumë të sakta”, ka thënë fillimisht Spalleti për Sky.

“Ai është i lumtur në Inter dhe dëshiron të qëndrojë, por ka edhe klube që, nëse vendosin të marrin një lojtar, ua ndryshojnë mendjen edhe nëse ke thënë para disa ditësh se nuk largohem”.

Lexo po ashtu Ronaldo nuk ka dyshime për Icardin: Nuk është lehtë të shënosh 29 gola në Serie A

“Ne duhet të jemi gati për gjithçka, por tani për tani nuk ka sinjale dhe nuk ka dyshime për atë që ai dëshiron”, përfundoi trajneri i Interit.

Icardi ka shënuar 29 gola këtë sezon duke përfunduar si golashënuesi më i mirë në Serie A dhe me këto gola ia ka mundësuar Interit kualifikimin në Ligën e Kampionëve. /Telegrafi/