Superheroi 4-vjeçar, ndan ushqim për të pastrehët në qytet (Video)

Emri i tij është Austin Perine dhe është 4 vjeç. Por me këmishën e tij blu dhe të kuqe veshur bëhet “President Austin”, një superhero me një mision shumë të rëndësishëm: për të ushqyer të pastrehët në Birmingham, Alabama.

Ai ka vendosur në funksion “superfuqitë” e tij, pasi një ditë marsin e kaluar, babai i tij tregoi se çfarë do të thotë të mos ketë shtëpi. Kryetari i bashkisë tashmë e quan atë “një ambasador i qytetit”.

Ai gjithmonë i ka kushtuar vëmendje të tjerëve. Duke filluar me vëllain e tij, Taylor, 16 vjeç, i cili ka jetuar me autizëm që kur ka lindur. “Ai është gjithmonë i kujdesshëm, ai është si një baba i vogël për të”, thotë TJ Perine, babai i tij, për CNN.

“Ne ishim duke parë një program në lidhje me kafshët në TV dhe ka qenë një nënë panda e cila kishte braktisur të vegjlit e saj, që shtyu Austin të më bënte pyetje, dhe unë i shpjegova se fëmijët tani do të jenë të pastrehë”.

“Ai pyeti nëse mund ta ushqejmë atë”, tha babai i tij.

Fëmija ishte i impresionuar dhe dëshironte të kuptonte më mirë gjendjen, kështu që Perine e mori atë në një vizitë në qendrën e të pastrehëve në Birmingam. Austin vendos gjithçka. Ai merr paratë javore dhe i përdor ato për të blerë sanduiçe nga një Burger King aty pranë.

Që nga ajo ditë, çdo javë fëmija, i shoqëruar nga i ati, u sjell ndihmë atyre që janë në nevojë. “Ushqim dhe buzëqeshje”, siç thotë ai.

Në Twitter, misioni i këtij superheroi të ri është i njohur me hashtagun #ShowLove. Dhe të njëjtat fjalë janë shkruar në uniformën e tij zyrtare: kostum blu dhe kapelë të kuqe (por kjo nuk ngatërrohet me Supermen!).

“Faleminderit, unë dua të jem një person më i mirë”, thotë një njeri i pastrehë, “ti sjell dashuri kudo që shkon, apo jo?”.

“Pikërisht,” përgjigjet Austin, me seriozitetin e një fëmije që duhet të kryejë një punë të rëndësishme.

Babai i tij thotë: “Austin dhe unë dua të ndërtojmë një qendër dhe të sjellim disa specialistë për t’i ndihmuar me të vërtetë këta njerëz të kthehen në jetë”.

Dhe në anën e tyre tani ka të gjithë qytetin. Burger King, ku fëmija merr ushqim, ka garantuar një mijë dollarë në muaj për një vit, ndërsa Randall Woodfin, kryetari i bashkisë, duke e treguar Superheroin si “një ambasador të qytetit”, i ka dhënë qartësi misionit të tij. /GSH/