Golden State takohet me Rockets në gjysmëfinalen e Perëndimit – Eliminohen Pelicans dhe Jazz

Mbrëmë janë luajtur dy ndeshje në ligën më të fortë të basketbollit në botë.

Kampioni i NBA-së, Golden State Warriors ka siguruar një biletë për në gjysmëfinalen e serisë së “play off” të Konferencës Perëndimore pas triumfit të katërt kundrejt një humbje ndaj New Orleans Pelicans.

“Luftëtarët” kanë triumfuar në saje të avantazhit të lartë që krijuan deri në çerekun e tretë, i cili kapte shifrat prej njëzet pikëve, gjë që rezultoi e pakthyeshme për pelikanët që pësuan humbje me rezultat 114-103.

Protagonistët kryesor të fitores së kampionit ishin treshja fantastike Stephen Curry, Kevin Durant dhe Klay Thompson.

I pari shënoi 28 pikë, ndërsa i dytë shtoi katër pikë më pak gjersa Thompson realizoi 23 sosh.

Anthony Davis arriti të realizoj “double-double” me 34 pikë dhe kërcime ndërsa Jrue Holiday arriti të bën “triple-double” në saje të 27 pikëve, 11 asistimeve dhe dhjetë kërcimeve, por të cilat nuk ishin të mjaftueshme.

Golden State në gjysmëfinale do të takohet me skuadrën e Houston Rockets, e cila triumfoi kundër Utah Jazzit me rezultat 112-103. Njëkohësisht, kjo ishte edhe fitorja e katërt për raketat kundrejt një humbje. /Telegrafi/