Zidane: E ardhmja ime nuk varet nga fitimi i Ligës së Kampionëve, dua të vazhdoj me Realin

Zinedine Zidane ka folur për të ardhmen e tij, ku ka theksuar se dëshiron të vazhdojë me Real Madridin.

Gjatë këtij sezoni është përfolur shumë për një largim të trajnerit francez nga Santiago Bernabeu, pasi thuhej se Zidane nuk mund t’i motivoj më futbollistët pas fitimit të gjithë trofeve.

Megjithatë, vetë Zidane ka deklaruar se dëshiron të vazhdoj karrierën tek gjiganti spanjoll, Real Madridit.

Lexo po ashtu Calderon: Perez nuk do ta shkarkojë kurrë Zidanen

Sipas francezit e ardhmja e ti nuk varet nga fitimi ose jo i Ligës së Kampionëve në këtë sezon.

“Qëndrimi te Real Madridi nuk varet nga fitimi ose jo i Ligës së Kampionëve: unë dua të vazhdoj në këtë klub”, ka thënë fillimisht Zidane.

“Nuk e di nëse mund të them se jam trajneri më i mirë apo më i keq, por tani kam më shumë përvojë”.

Lexo po ashtu Zidane nuk e përjashton mundësinë që në të ardhmen të bëhet trajner i Juves

“Ka shumë trajnerë më të mirë se unë, por kam pasur rastin të jetoj me këtë skuadër të Real Madridit dhe të bëj gjërat që kemi bërë”, përfundoi francezi.

Ndryshe, Zidane pati deklaruar më parë se ka dëshirë që në të ardhmen ta drejtoj ish-skuadrën e tij, Juventusin. /Telegrafi/