Zyrtare: Ibrahimovic nuk luan në Kupën e Botës

Federata Suedeze e Futbollit ka konfirmuar zyrtarisht se ish-sulmuesi i Juventusit, Interit, Milanit shumë skuadrave tjera të mëdha evropiane, Zlatan Ibrahimovic, nuk do të luajë në Kupën e Botës.

Golashënuesi më i madh i të të gjitha kohërave i ekipit kombëtar suedez ishte pensionuar nga detyra ndërkombëtare pas Euro 2016.

Por, spekulimet nuk janë ndalur asnjëherë dhe së fundi u përfol se ai mund të kthehej te Suedia për Kampionatin Botëror në Rusi.

Lexo po ashtu Trajneri i Suedisë, Andersson: Ibrahimovic nuk përfshihet në planet e mia për botëror

Megjithatë, trajneri Janne Anderson tha këtë javë se ai nuk do ta ftonte atë, dhe sot është konfirmuar edhe nga qarqe tjera se Ibra nuk do të jetë në Kupën e Botës.

“Kam biseduar me Zlatan të martën”, ka thënë fillimisht menaxheri i ekipit kombëtar, Lars Richt, në një deklaratë në faqen zyrtare të SvFF.

“Ai më njoftoi se nuk kishte ndryshuar mendjen për të luajtur për ekipin kombëtar”.

Lexo po ashtu Johnsson: Ibrahimovici është egoist dhe individualist si njeri dhe si lojtar, jemi kualifikuar në botëror pa të

“Është një jo e prerë nga ai”, përfundoi menaxheri i Suedisë.

Ndryshe, kundër Ibrahimovicit në ekipit kombëtar për “Rusia 2018” kanë dal edhe disa futbollistë. /Telegrafi/