Përgënjeshtron Buffon: Nuk kam pasur mosmarrëveshje me Benatian

Gianluigi Buffon i ka përgënjeshtruar njoftimet se ka pasur një mosmarrëveshje me bashkëlojtarin e tij, Medhi Benatia.

Mediat italiane kanë raportuar se kapiteni nuk i ka kursyer fjalët ndaj bashkëlojtarëve të tij pas humbjes nga Napoli, mirëpo portieri legjendar thotë se këto janë të pavërteta.

“Janë thashetheme të fabrikuara kur ekipet si Juventusi që nuk kanë një ‘Thembër Akili’, humbin”.

Lexo po ashtu Të gjitha lajmet për Gianluigi Buffon

“Ata përpiqen ta destabilizojnë atmosferën dhe ta minojnë sigurinë dhe unitetin e grupit. Është normale, ka ndodhur prej se jam te Juventusi”.

“Unë e konsideroj veprim të logjikshëm dhe të duhur për të reaguar ndaj asaj që ka ndodhur, por askush – së paku gjatë 17 viteve të mia te Juventusi – nuk guxon ta drejtojë gishtin drejt dikujt dhe ta fajësojë për ndonjë gabim apo humbje”.

“Për më shumë, sa jam unë kapiten, kjo nuk ka ndodhur asnjëherë”, ka deklaruar Buffon për JTV.

“Më duhet të them se Medhi është një djalë shumë i respektueshëm dhe është i lidhur ngushtë me objektivin tonë me një edukatë dhe mënyra se si po interpretohet kjo gjë, më vjen keq që duhet të flas për këtë temë”, ka shtuar kapiteni i Juves. /Telegrafi/