Wenger out – ishte pankarta më e shpeshtë që kemi mundur të shohim në stadiume nga tifozët e Arsenalit, të cilët të pakënaqur me rezultatet, shprehnin revoltën e tyre, duke drejtuar gishtin kah Arsene Wenger. Nga sot, nuk do të drejtohet më gishti kah Wengeri, e as nuk do të shohim më pankarta Wenger out – gjithë ajo që do shohim është një periudhë e ndritur e paprecedentë për tifozët e Arsenalit, meritë e të cilës do të jetë pikërisht Wenger.
Për të mund të ketë qenë një ditë emocionale, pasi po lë shtëpinë e tij prej 22 viteve. Wenger nuk e përjetoi lehtë largimin nga Arsenali.
Por, aspak emocionale nuk ishte për tifozët e Arsenalit, të cilët sikurse një trofe që po e kërkojnë kaq gjatë, e kanë festuar largimin e Wengerit.
Arsene Wenger është vet historia e Arsenalit. Trofet më të mëdha klubi i fitoi në periudhën e tij 22 vjeçare, po flas për 3 titujt e Ligës Premier që ai i fitoi në periudhën e tij dy dekadëshe të Arsenalit. Krijoi The Incredibles, ekipin që kaloi gjithë sezonin pa humbje.
Historia të cilën tifozët e Arsenalit e kanë si arsye pse janë bërë tifozë të këtij klubi, është Wengeri. Wengeri është vet historia. Wengeri është Arsenali. Arsenali është Wenger.
Si profesor i ekonomisë, Wenger ishte gjithmonë pragmatik kur bëhej fjala për menaxhimin e situatës së klubit.
Në vitin 2002 filloi zhvendosja e Arsenalit duke realizuar ri alokimin në Ashburton Grove, aty ku ishte paraparë ndërtimi i stadiumit Emirates, bukurisë së futbollit anglez. Punimet u shtynë deri në vitin 2004 për shkak të problemeve financiare.
“Ky është vendimi më i madh në historinë e Arenalit”, tha Wenger atë kohë dhe ai kishte të drejtë.
Projekti 390 milionësh për stadiumin e ri të Arsenalit u realizua në mesin e shumë vështirësive me një kredi dhe sponsorizim që e tërhoqi Wenger, atë të arabëve të Emirates të cilët e morën emrin e stadiumit, por jo pronësinë e klubit.
Stadiumi është dëshmia për vizionin dhe largpamësinë e Wengerit. Ai përkundër situatës së vështirë të Arsenalit në aspektin financiar nga viti 2004 e tutje, me strategjinë e tij konkrete, arriti të krijojë skuadër konkurruese, duke marrë pjesë në finalen e Ligës së Kampionëve në vitin 2006 dhe duke qëndruar në top katërshe me pjesëmarrje të rregullt në Ligën e Kampionëve (më gjatë se çdo klub tjetër).
Identifikonte talentët, i blente lirë dhe i shiste shtrejtë. Disa herë u tregua mjeshtër në raport me disa klube, përfshirë Barcelonën dhe Manchester United. Me këto para ai paguante kredinë e stadiumit dhe balanconte situatën financiare të klubit, derisa kjo kredi u pagua plotësisht.
Arsenali sot është një prej 5 klubeve më të shëndosha financiarisht, duke mos pasur borxhe dhe duke u lëvduar shpesh për kujdes në shpenzime, sidomos në afatin kalimtar.
Në ndërkohë, nuk mungonin banerët “Wenger Out”.
Arsenali mund të mos ketë pasur rezultate të mëdha në vitet e fundit dhe trofe prestigjioze, por shumë shpejt do t’i ketë ato. Për klubin londinez do të vijë një periudhë e ndritur falë punës 22 vjeçare të francezit të shumë kritikuar.
Arsene Wenger është i emocionuar që po lë shtëpinë, por nuk është i prekur nga ofendimet e tifozëve të Arsenalit, sepse ai e di që pas 10 vitesh do të shihen rezultatet e punës së tij dhe sakrificave që ka pasur. Ai gjithmonë heshti, sepse ashtu i bënte mirë Arsenalit. Ai nuk u tërhoq, jo pse ishte i obsesionuar pas postit të menaxherit, por sepse nuk mundi ta linte Arsenalin pa u siguruar që gjithçka ka shkuar sipas planit të tij afatgjatë.
Ai nuk ka nevojë për (mos)mirënjohje. Wengeri e ka lënë Arsenalin në kohën më të mirë. Cili do menaxher që do të vijë do të marrë në dorë një klub të shëndoshë financiarisht me potencial investues dhe stadium e brend fantastik të futbollit.
Sepse Wengeri është mirë, kur Arsenali është mirë.
/Telegrafi/
Promo
Reklamo këtuLufta Prigozhin - Putin
Më shumëNga Rubrika
Courtois është kthyer nga lëndimi, Ancelotti tregon se kush do ta ruajë portën ndaj Bayern Munich
Kështu do të duket Juventusi me Motta si trajner dhe Modricin si ‘gjeneral’ të mesfushës
Jurgen Klopp flet për herë të parë për përplasjen me Mohamed Salah
Skuadrat që përfitojnë më shumë nga fanellat e tyre – askush nuk mund të mposhtë numrin 1
Modric ka një “plan B” në rast largimi nga Reali Madridi, do të luante në Ligën e Kampionëve me fanellën e një gjiganti tjetër
Luan për klubin e Ligës Premier, por befason të gjithë duke shkuar në stërvitje me fanellën e Interit
Pioli parakalon Conten në garën për t’u bërë trajner i klubit të njohur
Barcelona heq dorë nga sensacioni 16-vjeçar, Real Madridi përparon në bisedimet për transferimin e tij
“Garda” e vjetër e Man Cityt vendos rregull të ri rigoroz për parkimin e veturave në kampin stërvitor
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe