Për të pestin vit me rradhë, Kosova përfaqësohet nëngjarjen më të madhe në botë për ndërmarrësi – Global Entrepreneurship Congress, që sivjet mbahet në Stamboll të Turqisë.
Kongresi Botëror i Ndërmarrësisë (Global Entrepreneurship Congress), çdo vit mbledhë akterët kryesorë të ndërmarrësisë dhe biznesit dhe shërben si pikë referuese për identifikimin e mundësive të reja ndërmarrëse, formësimin dhe përditësimin e rrjetit në ekosistemin e ndërmarrësisë, si dhe pasqyron inovacion dhe kreativitet në idetë biznesore të kohës. Këtë vit, kjo ngjarje do të mbahet në Stamboll të Turqisë, nga datat 16-19 prill 2018 me tematikë strukturimin e një ekosistemi të vetëm botëror dhe gjithëpërfshirës.
Duke marr parasysh që ndërmarrësia si koncept ngërthen në vete më shumë se sa vetëm ekonominë e biznesit, kjo ngjarje është një ndërlidhje e duhur në mes të mentalitetit shoqëror, kulturës dhe barrierave të cilat kufizojnë potencialin e ekosistemit të ndërmarrësisë dhe kushtëzojnë zhvillimin e tij. Janë pikërisht ndërmarrësit pjesëmarrës në këtë kongres, që me tregimet e tyre të suksesit dhe praktikat e mira, do të shërbejnë si struktura edukativo-arsimore jo vetëm me fokus zhvillimin e platformave më efektive, por edhe rritjen e vetqëndrueshmërisë së ekosistemit në të ardhmen.
Pjesë e kësaj ngjarje do të jetë edhe Kosova, ku me përfaqësues Uranik Begun, drejtor ekzekutiv i Innovation Centre Kosovo (ICK), do të ndajë përvojat e mira me shtetet e tjera dhe strukturat e tyre zhvillimore të cilat kanë rezultuar të jenë të sukesshme përgjatë viteve. Si objektiv kryesor i pjesëmarrjes së Kosovës shihet krijimi i një bashkëpunimi ndër-kufitar nëpërmjet iniciativave që përfshijnë ndërmarrësit, investitorët, hulumtuesit, politikë-bërësit dhe organizatat e ndryshme nga e gjithë bota, me fokus zhvillimin dhe përkrahjen e ekosistemit të ndërmarrësisë në Kosovë, ekosistem ky ende i brishtë.
“Kosova, vend ky me një fuqi punëtore të edukuar mirë dhe pro-teknologjike, ka avantazhin e duhur krahasues për të përfituar nga industria e ekonomisë digjitale, industri e cila vë në pah inovacionet teknologjike në sektoret më zhvillimore të vendit. Të gjeturat dhe rekomandimet nga kjo ngjarje, do të zbatohen në përditësimin e kornizave zhvillimore të programeve tona, ekosistemit të ndërmarrësisë në përgjithësi dhe institucioneve publike relevante për industrinë në fjalë, me qëllim të përmirësimit të produktivitetit të ndërmarrjeve, identifikimin e burimeve potenciale të financimit dhe krijimin e partneriteteve të reja”, theksoi Begu.
Po ashtu, vlenë të theksohet se Kosova është e nominuar për çmimin “Brand & Community Chapions”, çmim të cilin e ka fituar në vitin 2015, për fushatën më të mirë për promovimin e ndërmarrësisë dhe bizneseve fillestare (start-up). /Telegrafi/
Promo
Reklamo këtuLufta Prigozhin - Putin
Më shumëVazhdon super oferta për Peugeot 2008 nga Mercom Company
A jeni gati për mbrëmjen e Maturës?
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Kurrë s’e ke pas ma lehtë se me Telegrafi Jobs me gjetë punë!
Fito iPhone 15 duke shikuar Prishtina Open 2024
Scardian Sigurime shpallet fituese e çmimit “Best Insurance Company in Kosovo 2023” nga FMI
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'