Iniesta: Humbja nga Roma mund të ketë qenë ndeshja e fundit për mua në LK

Mesfushorti veteran i Barcelonës, Andres Iniesta, ka aluduar për një largim nga klubi katalanas pas eliminimit nga Roma në Ligën e Kampionëve.

Barcelona fitoi ndeshjen e parë me rezultat 4-1, por liderët e pamposhtur të La Ligas nuk ja dolën as se si që të shënojnë një gol për të vazhduar aventurën tutje në Ligën e Kampionëve.

Për më tepër, Iniesta ka paralajmëruar largimin pas kësaj humbje.

“Është një mundësi që kjo të ketë qenë ndeshja e fundit në karrierën time në Ligën e Kampionëve, por tani për tani është vështirë kjo që ndodhi për gjithë ekipin, për të gjithë ne”.

1 – It's the first time in their history in European Cup/Champions League Barcelona are eliminated in the knockout stage after winning by at least 3 goals in the first leg. Romatada. #RomaBarça pic.twitter.com/feISZ8OeDc

— OptaJean (@OptaJean) April 10, 2018

“Ne kemi dashur ta fitojmë këtë garë tej mase, por kemi dështuar ta bëjmë sërish”.

“Është vërtet e vështirë, duket e pavërtetë, është e vështirë për t’u pranuar”.

“Me përparësinë që kemi pasur, ne dolëm në fushë dhe bëmë gjërat shumë keq. Liga e Kampionëve të dënon në këto raste”, deklaroi Iniesta.

/Telegrafi/