Valverde: Nuk jemi ende në gjysmëfinale, preferoja fitore me tjetër rezultat

Ernesto Valverde ka folur pas ndeshjes së parë çerekfinale në Ligën e Kampionëve që Barcelona e fitoi në shtëpi ndaj Romës.

Barcelona e ka fituar takimin e parë ndaj Romës me rezultat 4-1, por Valverde e bëri të qartë se ekipi i tij ende nuk e ka siguruar kualifikimin dhe do të has në vështirësi në ndeshjen kthyese.

“Nuk jemi në gjysmëfinale ende, absolutisht jo”, ka thënë fillimisht Valverde në një konferencë për shtyp.

Lexo po ashtu Barca kryen detyrën ndaj Romës, në prag të gjysmëfinales

“Është një rezultat i mirë, por kam preferuar fitoren 3-0 në vend të 4-1”.

“Ata treguan veten që janë një ekip i madh. Ne tani kemi lojën kthyese dhe shumë më tepër pengesë për të kapërcyer”.

“Ne ishim shumë të nxituar në përpjekjen për të kaluar presionin e tyre. Loja ishte e gjallë dhe ata treguan se kanë lojtarë cilësorë”.

Lexo po ashtu Notat e lojtarëve: Barcelona 4-1 Roma, Manolas e De Rossi me vlerësimet më të ulëta

“Pjesa e dytë ishte më e hapur dhe i ndëshkuam me disa lëvizje. Ata shënuan kundër nesh, por për fat të mirë ne shënuam të katërtin”.

“Tripleta? Kam dyshime, sepse e shoh sa e vështirë është për ne të fitojmë ndeshje, si dhe nivelin e ekipeve me të cilat po përballemi. Unë nuk jam duke menduar përtej ndeshjes së ardhshme”, përfundoi spanjolli. /Telegrafi/