Simeone: Barcelona është rival i fortë, detajet e vogla e vendosin këtë ndeshje

Skuadra e Diego Simeones përballet me Barcelonën në Camp Nou, duke e ditur se një fitore do t’i sillte në garë për titullin e LaLigas.

Trajneri argjentinas dëshiron që ekipi i tij të jetë konkurrues në ndeshen derbin ndaj Barcelonës, të cilët i ka cilësuar skuadër fantastike dhe duke shtuar se detajet do ta vendosin këtë takim.

“Qëllimi është të përmirësojmë veten. Ne kemi garuar gjithmonë dhe do të jemi përsëri konkurrues të dielën”, ka thënë fillimisht Simedone në konferencën e tij për shtyp para ndeshjes.

“Loja është e rëndësishme, kundër një rivali me numra të mëdhenj që flasin për veten e tyre”.

“Valverde vendosi largimin e Neymar , ndryshoi një sistem që ka punuar me sukses për shumë vite, u mësoi të gjithëve se Barcelona mund të luajë edhe 4-4-2 dhe ai është i pamposhtur në ligë”.

“Ne luajmë kundër një skuadre që ka një sezon fantastik dhe loja do të zgjidhet si çdo njëra që kemi luajtur kundër tyre deri tani; pra nga detajet e vogla”.

“Ka 12 ndeshje të mbetura dhe ne të gjithë jemi duke konkurruar për diçka. Ne kemi ende për të shkuar në Villarreal dhe Real Madrid. Pikët janë të rëndësishme sepse ato na japin një diferencë”.

Krejt në fund, Simeone ka folur me elozhe për Lionel Messin dhe lojtarin e tij, Antoine Griezmann, duke thënë se njëri nga ta mund ta vendos lojën. /Telegrafi/