Mourinho mposht Conten, Unitedi fiton me përmbysje ndaj Chelseat në derbin e javës (Video)

Manchester United ka fituar me rezultat 2-1 ndaj Chelseat në ndeshjen derbi të javës së 28-të të Ligës Premier.

Skuadra e Jose Mourinhos ka arritur të fitojë me rikthim ndaj asaj të Antonio Contes në një ndeshje shumë të luftuar.

Pjesa e parë e takimit i takoi Bluve të Londrës, të cilët ishin më të rrezikshëm në raste dhe shënuan të parët.

Ishte brazilian, Willian, i cili shënoi në minutën e 32-të pas një kundërsulmi të shpejt duke u asistuar nga Eden Hazard.

Megjithatë, Djajtë arritën të kthehen në lojë në minutën e 39-të duke shënuar me anë të Romelu Lukakut, i cili shënoi për 1-1 pas asistimit të Anthony Martial dhe dërgoi skuadrat në pushim me barazim.

Në pjesën e dytë, skuadra nga Old Trafford ishte më e mirë dhe me kërkuese dhe këtë e arriti pasi shënojë në minutën e 75-të me anë të Jesse Lingard, i cili pas asistimit të Lukakut vulosi fitoren dhe rezultatin përfundimtar 2-1.

Pas kësaj fitore, Unitedi kthehet në pozitën e dytë me 59 pikë, ndërsa Chelsea renditet në vendin e pestë me 53 pikë.

Në ndeshjen e radhës, Djajtë udhëtojnë te Crystal Palace, ndërsa Blutë udhëtojnë te Manchester City. /Telegrafi/

Lingard secures a win for United at home against Chelsea. #mufc #MUNCHE #manutd #lingard pic.twitter.com/yZND5ZmPsk

— Manchester United (@UnitedGIF) February 25, 2018