Walcott flet si lojtar i Evertonit: Do të angazhohem që klubi të ngritet në një nivel tjetër (Video)

Theo Walcott ka vendosur ta vazhdojë karrierën te Evertoni, ku e ka kompletuar transferimin gjatë ditës së mërkurë.

Për anësorin anglez, Arsenali do të përfitojë 20 milionë funte (22.6 milionë euro), ndërsa 28-vjeçari ka nënshkruar kontratë prej tre vjet e gjysmë me klubin e ri.

Pasi u bë lojtar i klubit nga qyteti i Liverpulit, Theo ka dhënë një video-intervistë për faqen zyrtare të klubit të ri.

“Jam shumë ambicioz dhe kam ardhur këtu, sepse dua që klubi të ngritet në një nivel tjetër. Ndërsa me lojtarët që kanë ardhur, mendoj se niveli tjetër mund të arrihet”.

“Jam shumë i entuziazmuar që do ta filloj një kapitull të ri dhe mendoj se ky është vendi i duhur ku duhej të isha”.

“Menaxheri është shumë ambicioz dhe mendoj se klubi po shkon në drejtimin e duhur. Evertoni është një klub me histori të madhe”.

“Tifozët janë gjithmonë pasionantë, janë të shkëlqyer dhe unë gjithmonë e kam pasur të vështirë të luaja këtu”.

“Vërtet besoj se do ta jap më të mirën, gjë që e kam bërë gjithmonë dhe ky vend do të marrë shumë më tepër nga unë”, ka deklaruar Walcott për faqen zyrtare të klubit.

Te klubi i ri, anësori anglez do ta bartë fanellën me numrin 11. /Telegrafi/

? | “I think this place is going to get even more out of me.”
Watch the new man’s first interview as a Blue! #WelcomeTheo

? https://t.co/VZUTCETFT2 pic.twitter.com/zYFeG3nouz

— Everton (@Everton) January 17, 2018