Unitedi mundohet ta josh Sanchezin me pagë shumë më të lartë së City, ofrojnë edhe pesë milionë bonus për agjentin e tij

Manchester Unitedi është i gatshëm të paguajë atë që duhet dhe më shumë se vetëm atë që është e nevojshme për të mposhtur rivalin e urryer lokal, Manchester Cityn, për nënshkrimin e sulmuesit të Arsenalit, Alexis Sanchez.

Sipas mediumit anglez The Sun, trajneri i ‘dëshpëruar’ i Unitedit, Jose Mourinho, do të “luftojë” për të transferuar rebelin e Arsenalit këtë muaj, me kontratën e tij që i skadon në qershor.

Trajneri portugez ka në plan të rrëmbejë transferimin e sulmuesit te City duke i ofruar Sanchezit një pagë prej 350 mijë funtesh në javë.

Lexo po ashtu United rivalizon Cityn, ofron Mkhitaryanin dhe 28 milionë euro për Sanchezin

Mourinho do të paguajë gjithashtu Arsenalin me 30 milionë funte dhe agjentin e Sanchezit me pesë milionë funte – tarifa këto që Guardiola refuzon t’i paguajë.

“Normalisht investimi në skuadër është bërë në verë. Ne ndërtojmë një skuadër me këtë ide, këtë filozofi e ndaj me pronarët e klubit”, ka thënë fillimisht Mourinho.

“Por, nëse ka një mundësi fantastike në tavolinë, do të luftojmë për këtë. Nëse ndodh, ndodh. Nëse nuk ka, nuk ka”, përfundoi Special One.

Lexo po ashtu Arsenali kërkon Martialin në këmbim të Sanchezit

Megjithëse Alexis e ka vendosur zemrën në një ribashkim me shefin e tij të vjetër të Barcelonës Pep, City janë të përgatitur për të ofruar një pagesë transferimi prej vetëm 20 milionë funtesh dhe një pagë prej 290 mijë funtesh.

Ata gjithashtu refuzojnë të paguajnë agjent Fernando Felicevich me pesë milionë euro bonus, dhe këtu thuhet se mund të parakalojë Unitedi në epërsi për shërbimet e kilianit. /Telegrafi/