Arsenali kërkon Martialin në këmbim të Sanchezit

Arsenali dëshiron sulmuesin e Manchester Unitedit, francez Anthony Martial në këmbim të kilianit Alexis Sanchez.

Sulmuesi kilian është në vitin e fundit të kontratës së tij me Arsenalin dhe i kanë mbetur vetëm edhe gjashtë muaj në të.

Sanchez dhe Arsenali nuk kanë arritur ujdi për vazhdimin e saj dhe kiliani pritet të largohet së shpejti nga Emirates.

Lexo po ashtu Manchester City në fundjavë e mbyll marrëveshjen për Sanchezin, Arsenalin e sheh Mahrezin si zëvendësues të kilianit

Sipas tabloidit anglez Daily Star, Sanchez duket i sigurt për t’u bashkuar me Manchester City këtë muaj, por në fund ndryshoi gjithçka.

Kjo pasi rivalët e tyre të urryer lokal, Unitedi kanë bërë hapa para duke bërë një lëvizje për të rrëmbyer yllin kilian nga Arsenali.

Por, Arsenali po ngurron të shesë Sanchezin, të paktën derisa të gjendet një zëvendësim ideal për të.

Lexo po ashtu United rivalizon Cityn, ofron Mkhitaryanin dhe 28 milionë euro për Sanchezin

Dhe me këtë, drejtuesit e klubit londinez në mendje kanë yllin francez, Martial, të cilin e kërkojnë nga Djajtë e Kuq në këmbim të Sanchezit.

Unitedi nuk kanë të ngjarë të jenë të hapur për humbjen e Martialit dhe do të përpiqen të bindin Arsenalin për shitjen e kilianin për 35 milionë funte. /Telegrafi/