Djali i Zidanet afër transferimit te Lausanne, do bëhet bashkëlojtar i Kolollit  

Mesfushori francez i Deportivo Alavesit, Enzo Zidane apo djali i trajnerit të Real Madridit, Zinedine Zidaner është i vendosur të shkojë në Zvicër te skuadra e Lausanne.

Enzo lë Real Madridin për Alavesin vetëm në muajin gusht, por ka luftuar për minuta të lojës që nga shkuarja atje.

E gjitha erdhi pasi klubi kah fundi i tabelës në La Liga nuk po përjeton rezultate të mira dhe tashmë kanë pasur tre trajnerë.

Lexo po ashtu Enzo Zidane nuk e bind De Biasin, pritet të largohet prej Alavesit

Njëri nga ta ishte edhe ish-trajneri i Kombëtares Shqiptare, Gianni De Biasi, i cili u shkarkua nga detyra pas vetëm disa ndeshjeve.

Kështu, klubi zviceran, Lausanne janë të gatshëm të nënshkruajnë me mesfushorin, qoftë në huazim ose në mënyrë të përhershme.

Stafi i Alavesit beson shumë në aftësitë e Enzos, por mendojnë se ata kanë nevojë për më shumë lojtarë të favorizuar fizikisht për atë pozicion.

Lexo po ashtu Dy gola të mrekullueshëm nga Kololli në fitoren e thellë të Lausannes (Video)

Enzo është i lumtur të vendos për opsionin zviceran në mënyrë që të ri-fillojë karrierën e tij dhe të filloj ngjitjen në nivelet e larta.

Te klubi zviceran, Enzo do ta gjente lojtarin e Përfaqësueses së Kosovës, Benjamin Kololli, i cili është lojtari më në formë i Lousannes. /Telegrafi/