Ministri francez i Financave ka bërë thirrje për një debat publik mbi Bitcoin në Samitin e G20-së që do të mbahet vitin e ardhshëm në kryeqytetin e Argjentinës, Buenos Aires.
Duke folur në kanalin francez të lajmeve LCI, shkruan Reuters, Bruno Le Maire tha se çështja Bitcoin duhet të jetë një temë në forumin ndërkombëtar të qeverive, veçanërisht në lidhje me rregullimin e saj.
“Unë do t’i propozoj presidencës së ardhshme të G20-së, e cila do të mbahet në muajin prill [të vitit 2018] ta kemi në diskutim për çështjen e Bitcoin. Padyshim ekziston rreziku i spekulimeve. Ne duhet ta shqyrtojmë këtë dhe të shohim se si… me të gjithë anëtarët e tjerë të G20-së mund të rregullojmë Bitcoinin”, thotë Le Maire.
Rritja e ndjeshme e çmimeve të Bitcoin ka tërhequr gjithnjë e më shumë vëmendjen, jo vetëm në mediat kryesore, por edhe nga autoritetet qeveritare në të gjithë botën. Megjithatë, qeveritë e shteteve në nivel global po i afrohen gjithnjë e më shumë kriptovalutave dhe teknologjive të tyre, përcjell Telegrafi.
Disa nga vendet që tashmë kanë rregulluar kriptovalutat janë Shtetet e Bashkuara të Amerikës dhe Japonia. Deri më tani, vetëm disa shtete e kanë ndaluar në mënyrë të plotë kriptovalutën.
Javën e kaluar, Guvernatori i Bankës së Kanadasë, Stephen S. Poloz, tregoi se si “zhurma” rreth kriptovalutave “e mban atë zgjuar gjatë natës”, ndërsa një rregullator tjetër tha se “ndikimi” i Bitcoin në politikën e ekonomisë globale pothuajse ishte i ndjeshëm.
Duke nënvizuar mungesën e konsensusit global të kriptovalutave, Guvernatori i Bankës së Francës, Francois Villeroy de Galhau, kundërshtoi nocionin se Bitcoin është një monedhë dhe se nuk duhet të trajtohet si një e tillë.
“Duhet të jemi të qartë: Bitcoin nuk është në asnjë mënyrë një monedhë, madje as një kriptovalutë, është një pasuri spekulative. Vlera e saj dhe paqëndrueshmëria ekstreme nuk kanë bazë ekonomike dhe nuk janë përgjegjësi e askujt”, kishte thënë ai në një konferencë në Pekin muajin e kaluar. /Telegrafi/
Promo
Reklamo këtuLufta Prigozhin - Putin
Më shumëFranca është magnet për investitorët e huaj - cilat reforma i bëri për t'i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Qysh bohet kerri i vogël, kerr i ri!
Me çka e shijon bukën ma s'shumti edhe pse bash me sugjukun Meka?
Bëhu banor i kryeveprës së Prizrenit - Grand Residence
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City