Milani thumboi Interin në faqen zyrtare: Ka klube që fituan vetëm 2-1 ndaj Beneventos, ne luajmë në Evropë

Milani ka sulmuar Interin në faqen zyrtare të klubit, duke thënë se rivalët e qytetit fituan vetëm 2-1 ndaj Beneventos dhe nuk luajnë në gara evropiane.

Rossonerët pranuan gol në minutën e fundit nga Benevento në atë që ishte pika e parë sezonale për klubin e promovuar në Serie A.

Megjithatë, goli i shënuar nga portieri Alberto Brignoli ka bërë që Rossonerët të jenë subjekt i talljeve në rrjetet sociale.

Megjithatë, Milani në atë që është rishiim medial i përditshëm në faqen zyrtare, ka bërë një përshkrim të situatës e me këtë rast klubi Rossoner ka sulmuar Interin.

“Milani u tall shumë pas ndeshjes ndaj Beneventos, ku ka skuadra që kanë fituar me shumë gola dhe ka skuadra që patën lojë të ngushtë, sikurse që ne patëm rezultatin deri në minutën e 94”.

“Por, ekipi jonë është në Evropë dhe ka pozitë në tabelë zhgënjyese nga pritjet, por që nuk lë Rossonerët jashtë objektivave evropianë”.

“Të transferohet një fatkeqësi si ajo që na ndodhi në tallje dhe tragjedi sportive tregon se dikush po emocionohet”.

“Skuadra është e lumtur me punën dhe po bën mirë me Rino Gattuson e mundësitë për të përmirësuar janë të mëdha”, shkruan në kumtesën e Milanit.

Interi mposhti Milanin me rezultat 3-2 në derbin lokal të zhvilluar së fundmi në San Siro. /Telegrafi/