Nicole: Hamilton ishte egoist në lidhjen tonë

Nicole Scherzinger e ka kritikuar ish-të dashurin e saj, Lewis Hamilton, duke thënë se ai ka qenë egoist gjatë lidhjes së tyre.

Këngëtarja dhe piloti i Formula 1 kanë pasur një lidhje shtatëvjeçare deri në vitin 2015.

Mirëpo, gjatë një interviste, 39-vjeçarja ka theksuar se derisa ajo ka dhënë gjithçka për lidhjen e saj, të njëjtën gjë nuk e ka marrë nga ish-partneri.

“Si femra ne kemi prirje për ta dashur personin tjetër dhe të japim gjithçka”, është shprehur ajo për revistën Fabulous.

Mirëpo, nganjëherë, personi tjetër – mashkulli – ka prirje që të jetë shumë egoist, duke menduar vetëm për veten dhe për atë që është më mirë për të, kurse në ndërkohë ne e japim maksimumin”, ka deklaruar këngëtarja.

Anëtarja e jurisë së ‘X Factor’ ka pranuar se e ka pasur të vështirë ta ndërpresë lidhjen me Hamilton, sepse nuk mund ta pranonte se kishte marrë fund.

“Ka të bëjë me mënyrën si reagon dhe si i pranon apo nuk i pranon gjërat. Duhet të mësohesh të largohesh. Unë isha në atë lidhje për rreth shtatë vite. Dhe nuk më pëlqen të dështoj në asgjë.

“Prandaj thosha me vete: ‘Do ta bëj të ketë sukses’. Mirëpo, nganjëherë nuk e kuptojmë se diçka thjesht nuk është e shkruar të ndodhë”, ka rrëfyer më tej Nicole.

Këngëtarja aktualisht është në lidhje me tenistin 26 vjeçar, Grigor Dimitrov. Ajo ka thënë se e ka të vështirë që të dashurohet sërish, mirëpo nëse ndodh kjo do të dëshironte të martohej me të dashurin aktual. /Telegrafi/