Çmimi i famës, Scherzinger pranon se ndihet e vetmuar

Këngëtarja Nicole Scherzinger ka thënë se ndihet e vetmuar si pasojë e karrierës së saj të suksesshme.

Pjesëtarja e jurisë në X Factor ka pranuar se të qenit e famshme ka bërë që ajo të mos përjetojë shumëçka në jetë dhe se vazhdon ta ketë të vështirë që ta arrijë baraspeshën e nevojshme në jetë.

“Kushdo që është i suksesshëm në atë që bën duhet të bëjë sakrifica. Është mashtrimi dhe nevoja për gjetjen e baraspeshës”.

Lexo po ashtu Nicole Scherzinger: Nuk më pëlqejnë dietat dhe femrat e dobëta

“Padyshim se më ka munguar shumëçka në jetë. Është e vështirë, nuk do të gënjej”.

“Mund të ndjesh vetmi. Unë jam gjithmonë në rrugë, jam gjithmonë vet. Mendoj se kushdo në këtë industri ndihet i vetmuar”, ka thënë Nicole për The Star on Sunday.

Këngëtarja ka pranuar se edhe jeta e saj private ka hasur në vështirësi të mëdha si pasojë e punës që bën dhe famës.

“Lidhjet vuajnë. Më shikoni mua. Nuk jam e martuar dhe nuk kam ende fëmijë”, ka deklaruar ajo.

Scherzinger është aktualisht në lidhje me tenistin 26 vjeçar Grigor Dimitrov, me të cilin është njohur në vitin 2015.

Lidhja më afatgjate e saj ka qenë me pilotin e Formula 1, Lewis Hamilton, me të cilin u nda para dy vitesh pas një lidhjeje shtatëvjeçare. /Telegrafi/