Abramovich dëshiron ta bëjë Hazardin lojtarin më të paguar në Ligën Premier  

Pronari i Chelseat, Roman Abramovich, është i gatshëm të thyejë bankën për të bindur Eden Hazardin për të nënshkruar kontratën e re me kushte të përmirësuara.

Ylli i Bluve, Hazard është në radarin e gjigantit spanjoll, Real Madridit, të cilët e shohin si përforcimin më të madh të tyre për vitin e ardhshëm.

Megjithatë, Chelsea janë të gatshëm të zgjasin marrëveshjen me yllin e tyre belg.

Lexo po ashtu Hazard: Ëndërroj të luaj për Zidanen

Sipas mediumit HLN, drejtuesit e Bluve duan t’ia zgjasin kontratën deri në vitin 2023 dhe të shpërblejnë belgun me një kontratë të madhe.

Chelsea dëshiron ta bëjë Hazardin lojtarin më të paguar në Ligën Premier dhe i ka thënë atij se mund t’i përmbush ambiciet e tij në Londër.

Atij i është thënë se mund të fitojë Ligën e Kampionëve dhe Topin e Artë me klubin nga jugu i Londrës.

Lexo po ashtu Hazard: Më pëlqen Reali, por jam i kënaqur te Chelsea

Megjithatë, Hazard ende ka ëndrra për të luajtur për Real Madridin një ditë dhe e di se mund të jetë tani ose kurrë, pasi ai mbush 27 vjet në janar.

Afati dimëror dhe ai veror priten të jenë të nxehtë për Hazardin, i cili është përpara një zgjedhje të vështirë. /Telegrafi/