PSG presion Coutinhos që mos ta pranojë asnjë ofertë deri në verë

Gjiganti francez, Paris Saint-Germain dëshiron që ylli i Liverpoolit, Philippe Coutinho të shtyjë çdo plan largimi deri në fund të këtij sezoni.

Ylli brazilian i Redsave është duke shkëlqyer te skuadra angleze që nga transferimi i tij nga Interi para disa viteve.

Paraqitjet e tij brilante kanë bërë që shumë skuadra të mëdha evropiane të vihen pas shërbimeve të tij.

Lexo po ashtu Coutinho para një zgjedhje të vështirë, t’i bashkohet Suarezit apo Neymarit

Sipas mediumit francez Telefoot, me gazetarin e tyre Julien Maynard, raportojnë se Coutinho “është prioritet kryesor për PSG-në verën e ardhshme”.

Megjithatë, ai pranon se klubi i madh francez së pari do të duhet të largojë një nga superyjet e tyre për të bërë vend për brazilianin.

Thiago Silva ka thënë se do të donte të mirëpresë Coutinhon në radhët e tyre, megjithatë Maynard thotë në Twitter se ylli i Redsave ende preferon transferimin te Barcelona.

Lexo po ashtu Barcelona e do Coutinhon gjatë janarit, Liverpooli e ka ofertën në tavolinë

Barça tashmë ka paraqitur ofertën e janarit për brazilianin, e cila tashmë është hedhur poshtë, por pritet që të bëhet oferta e re.

Ndryshe, për Coutinhon interesim ka shprehur edhe gjiganti italian, Juventusi dhe ai gjerman, Bayern Munichu. /Telegrafi/