Simeone: Real Madridi po i blen lojtarët më të mirë, Griezmann luan nga fillimi

Trajneri i Atletico Madridit, Diego Simeone, beson se skuadra e tij do të marr një rezultat pozitive në ndeshje me Real Madridin.  

Por Simeone nuk ka ngurruar që t’i sulmojë Los Blancos, duke thënë se i blejnë të gjithë lojtarët e mirë në qarkullim.

“Do të sfidojmë skuadrën më të mirë në botë, ashtu siç ishte në momentin e saj edhe Barcelona. Real Madridi ka fituar dy Liga të Kampionëve  radhazi, fitoi gjithashtu La Ligan dhe aktualisht është skuadra më e mirë sepse mbi të gjitha ka marrë në gjirin e saj edhe lojtarët më të mirë nga skuadra të ndryshme të Spanjës”.

“Atë arrijnë të marrin ata futbollistë, tek të cilët ne skuadrat e tjera nuk mund të arrimë dot”.

Lexo po ashtu Nëna heroinë që i rriti e vetme dy djemtë e iu bën yje futbolli – Ajo e ka zemrën e ndarë në dysh në derbin e Madridit pas njëri djalë luan te Atletico e tjetri te Reali (Foto)

Simeone pret një ndeshje të tensionuar ndërsa foli edhe për sulmuesin kryesor të Atletico Madridit, francezin Antoine Griezmann.

“Sfidat klasike gjithmonë kanë tension. Motivimi dhe dëshira për t’i bërë gjërat mirë në këtë ndeshje janë shumë të mëdha në të dy kampet. Që nga momenti që jam pjesë e Atleticos të gjithë derbit kanë qenë të ngjashëm dhe kështu do të jetë edhe ky i kësaj të shtune”.

“Griezmann? Është shumë mirë, ende nuk ka arritur formën e tij optimale por do të jetë pjesë e formacionit dhe jam i bindur që do të bëjë një paraqitje të mirë”, ka thënë Simoene. /Telegrafi/