Federer e fillon me fitore rundin e tetë të mirëve në ATP Finals, mposht Sock
Roger Federer e fillon me fitore aventurën e tij në turneun përmbyllës të tetë tenistëve më të mirë të sezonit, që startoi të dielën pasdite në kryeqytetin britanik, teksa mundi në vetëm dy sete tenistin nga Shtetet e Bashkuara, Jack Sock.
Veterani zviceran që e ka fituar gjashtë herë turneun ATP World Tour Finals, më shumë se çdo tenist tjetër në historinë e gjithë këtij aktiviteti, hoqi dorë enkas nga Mastersi i Parisit për të shmangur problemet në shpinë, e njëkohësisht për t’u përgatitur në mënyrën më të mirë, për një turne të tillë, që përbën gjithashtu edhe objektivin kryesor në këtë pjesë të fundit të sezonit.
Pas mungesës së detyrueshme të vitit të kaluar, Roger Federer u rikthye plot vrull në O2 Arena, duke mundur pastër 25-vjecarin nga Nebraska, në një takim që zgjati diçka më tepër se një orë e gjysmë lojë. Tenisti amerikan e siguroi pjesëmarrjen në Londër në mënyrë fenomenale, pikërisht të dielën e kaluar, teksa la prapa në klasifikim spanjollin Pablo Carreno Busta, pas suksesit të parë në karrierë në një turne Masters, gjë që i mundësoi gjithashtu edhe ngjitjen mes dhjetë tenistëve më të mirë të botës.
Emocionet natyrisht influencuan që në lojën hapëse, pasi 36-vjeçari nga Baseli siguroi menjëherë një game me break, diçka që deri diku edhe pritej, sepse Federer me zgjuarsi pasi fitoi shortin i dha turnin e shërbimit pikërisht tenistit nga Shtetet e Bashkuara.
Numri nëntë i botës që nuk kishte fituar as set në tre përballjet ndërmjet tyre nuk hasi më probleme në servis, megjithatë tenisti helvet administroi më së miri avantazhin duke mbyllur 6-4 setin e parë në vetëm 37′. Seti i dytë ishte më i ekuilibruar, sidoqoftë Roger përsëri nuk u përball me asnjë mundësi për break. Pasi pa t’i anuloheshin plot pesë mundësi nga Sock, Federer u shtrëngua të luante një tie break, gjithsesi tenisti zviceran humbi vetëm katër pikë në lojën përmbyllëse, duke përfunduar gjithë takimin me rezultatin 6-4, 7-6.
Për numrin dy të botës që fitoi 90 per qind të pikëve në shërbimin e parë dhe e përfundoi duelin me 28 goditje fituese dhe 20 gabime kjo ishte fitorja e 50 sezonale, sezon ku Roger Federer ka fituar plot shtatë turne, duke regjistruar njëkohësisht vetëm katër humbje gjithsej. /SS/
Promo
Reklamo këtuLufta Prigozhin - Putin
Më shumëPo shkëlqen te Borussia Dortmund, por është lojtar i Chelseat – Guardiola e do me çdo kusht te Man City
Nuk dështuan vetëm me Harry Kane, Ten Hag tregon mesfushorin perfekt që do të bashkëpunonte me Casemiron
Ekipi më i mirë i sezonit 2023/24 në Bundesliga, Granit Xhaka është ylli në mesin e yjeve të tjerë
Dy gjigantë gjermanë e duan Guirrasyn, mund ta sjellin sulmuesin me formën më të mirë në Evropë për një çmim të ulët
Mbappe ‘konfirmon’ transferimin te Real Madridi, bleu vilën e legjendës së Los Blancos
"Isha shumë afër të shkoja, detajet vendosën" - Xhaka kujton kohën kur ishte pranë marrëveshjes me Romën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe