Korenica i VV-së zbulon inovacionin e tij dhe programin për qytetarët, i pari që ofron programin me shfletim në telefon me QR Code (Video)

Kandidati i Lëvizjes Vetëvendosje, Visar Korenica, ka lansuar atë që ai e quan inovacionin e kësaj fushate elektorale në mbarë vendin – shfletimin e programit të tij për ndryshimin e madh me anë të QR Code në telefon.

Programin ai e zbuloi në banerin kryesor te Park Plaza, ku ishin qindra aktivistë të Lëvizjes Vetëvendosje, si dhe qytetarë të shumtë.

Aty Korenica ka testuar QR Coden, i cili skanohet me aplikacionin WALLET në iPhone dhe QuickScan në Android, e prej ku qytetarët më pas në telefon mund ta lexojnë të plotë programin e tij #JepiKokrrënRahovecit, si dhe broshurën në fjalë.

Pos tjerash, qytetarët patën rastin që të dëgjonë prezantimin e programit në zemër të qytetit, e po ashtu u shpërndanë edhe broshurat, që sipas Korenicës janë dokumenti i vetëm nga të gjithë kandidatët që kanë ofruar për qytetarët në këto zgjedhje.

Korenica ka ofruar 10 zotime të realizueshme, ku përfshihen shujta falas për fëmijë nga klasa 1 deri 5, ndërtimi i 5 çerdheve, trafikun urban, përfundimin e
palestrës dhe përkrahjen e bujqësisë, si dhe 24 orë ujë. /Rahoveci24/Telegrafi/