Daka: Prokuroria dhe Policia të verifikojnë videon ku shihet “manipulimi me vota nga Diaspora”
Shqetësuese por jo lehtë të verifikueshme nëse është autentike e ka quajtur kryetarja e Komisionit Qendror të Zgjedhjeve, Valdete Daka, videon e publikuar një ditë më parë ku një bashkatdhetar që jeton në vendet evropiane, me inicialet V.K., shihet në një video-incizim duke votuar së bashku me dy vajza të tjera.
Derisa procesi i votimit vazhdon të jetë i hapur për bashkatdhetarët që jetojnë në vende të ndryshme botërore, Daka thotë se Prokuroria dhe Policia duhet ta verifikojnë videon ku personi në fjalë shihej duke i plotësuar 50 fletëvotime të shpërndara mbi tavolinë, për t’i dërguar në zyret e KQZ-së në Prishtinë përmes Postës. Procesi i votimit jashtë Kosovës, sipas saj, është një proces i cili ka një integritet të cenueshëm.
“Këtë video e kam parë sot në mëngjes. Është shqetësuese, mirëpo çështja e parë është sa është kjo video autentike dhe sa është e vërtetë. Kjo është një çështje që ne si KQZ nuk mundemi me e vërtetu”, tha ajo.
Ajo ka bërë të ditur se KQZ mund të bëjë vetëm verifikimin e dokumenteve të cilat u bashkëngjiten votave, kurse pjesa tjetër, në rast se ka manipulime, i mbetet organeve kompetente.
“Ne si KQZ i bëjmë të gjitha ato që na lejon ligji. Pra, bëjmë vërtetimin e dokumenteve të cilat i bashkëngjiten këtyre votave, ndërkaq çështja e manipulimit pastaj, mund të jetë objekt i shqyrtimit nga ana e Prokurorisë dhe Policisë. Ne si KQZ, krejt çka mund të bëjmë është që të verifikojmë sesa janë të vërteta ato dokumente të cilat na dërgohen, për identifikimin e votuesit dhe a është ai votues në listën votues në listë votuese si votues jashtë Kosovës”, u shpreh ajo.
Duke e pranuar se manipulime të tilla edhe mund të ndodhin, Daka, kujtoi edhe rastin e vitit 2013-të, kur KQZ kishte anuluar mijëra vota nga Serbia.
“Kjo ka ndodhur edhe me votat nga Serbia. Ju e dini në vitin 2013 ne i kemi anuluar mijëra vota që kanë qenë të fabrikuara, por megjithatë rreziku gjithmonë ekziston dhe integriteti i këtyre votave është gjithmonë diskutabil dhe lehtë i cenueshëm sepse nuk ka mekanizëm tjetër se si të mbrohet kjo votë”, ka thënë ajo.
Ndryshe në media është publikuar një video ku shihet një person i cili plotësonte fletëvotime të shpërndara mbi tavolinë.
Kujtojmë se Institucionet të cilat janë nënshkruese të memorandumit të bashkëpunimit për procesin zgjedhor (KQZ, PZAP, PSh, PK dhe KGjK). janë shprehur të gatshme për këto zgjedhje.
Koordinatorja Nacionale për zgjedhje në Prokurorinë e Shtetit, Laura Pula, ka deklaruar se institucioni i Prokurorit të Shtetit, tashmë ka caktuar për secilën prokurori koordinatorët rajonalë dhe do të angazhojë një numër të konsiderueshëm të prokurorëve, ku do të monitorojnë gjithë procesin zgjedhor.
Ndër të tjera, sipas njoftimit, nga të pranishmit është theksuar se vetëdijesimi i qytetarëve për parandalimin e manipulimeve të mundshme të zgjedhjeve është më se i rëndësishëm, pasi që në rastet ku mund të ketë pretendime për keqpërdorime të votave, Policia e Kosovës dhe Prokuroria e Shtetit do të veprojnë menjëherë. /kp/Telegrafi/
Lufta Prigozhin - Putin
Më shumë“Kursi më i vështirë i ushtrisë, stërviten deri në rraskapitje”, oficeri i FSK-së përfundon me sukses trajnimin Ranger në ShBA
Antonio Conte rikthehet në skenën e madhe, pranon ofertën e klubit në vështirësi
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Ish-trajneri i Real Madridit bind Milanin, përparojnë negociatat mes palëve
Blero ndahet përfundimisht nga e dashura e tij
Hamasi thotë se ka marrë përgjigjen e Izraelit ndaj propozimit të tij për armëpushim
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë