China Open: Nadal mposht Kyrgios dhe fiton titullin e gjashtë sezonal (Foto/Video)
Rafael Nadal siguroi titullin e gjashtë të sezonit, pasi mundi pa shumë vështirësi në finalen e Pekinit tenistin problematik australian, Nick Kyrgios.
Një sukses i merituar plotësisht, pavarësisht polemikave pa fund që krijoi game hapës, triumf që i jep njëherësh Rafës edhe titullin e 75 në 110 finale të zhvilluara gjithsej në karrierë.
Kështu pas titujve Slam në Roland Garros dhe Flushing Meadows, trofeve Masters 1000 në Monte Carlo e Madrid si dhe triumfit në Barcelonë numri 1 i botës koleksionon edhe një tjetër turne me vlerën e 500 pikëve në kryeqytetin kinez, që e ngjit tashmë në majë krejtësisht të vetëm në kuotën 19, përsa i përket aktiviteteve të këtij rangu, duke lënë prapa me një më pak tenistin zviceran Roger Federer.
Ndeshja ofroi vërtet pak, pasi numri 19 i botës u nervozua jashtëzakonisht shumë dhe filloi të shfryjë ndaj të gjithë gjyqtarëve, transmeton SS.
Fillimisht Kyrgios u paralajmërua nga Mohamed Lahyani ndërsa në fillimin e game-t të tetë gjyqtari kryesor e penalizoi me një pikë, për shkak të përdorimit në mënyrë të përsëritur të një fjalori aspak të hijshëm. Tenisti me origjinë greke fitoi shortin dhe preferoi t’i lërë shërbimet Rafës, zgjedhje vërtet e mençur sepse nën presion numri 1 i botës u thye në servis që në lojën hapëse dhe për të gjithë botën Kyrgios rrëmbeu që në start një game me break, por për habinë e të gjithëve topi ishte thirrur më parë jashtë nga gjyqtari i vijës, fraksion sekonde përpara se të kërkohej rishikimi i vendimit nga vetë Nadal.
Kështu tenistit australian nuk i mbeti gjë tjetër përvecse të kërkonte një “challenge” te arbitri suedez dhe në fakt pamjet e përsëritura konfirmuan që goditja e 22-vjecarit nga Canberra e kishte prekur vijën. Tre game-t e para zgjatën gjysmë ore dhe Kyrgios i anuloi Rafës plot pesë mundësi për break që në lojën e dytë.
Numri 8 i turneut evitoi një tjetër “break point” në lojën e katërt, gjithsesi pas barazimit 2-2 31-vjeçari spanjoll fitoi plot 9 game rresht, për të mbyllur në vazhdim krejt takimin me rezultatin e thellë 6-2, 6-1, në diçka më tepër se një orë e gjysmë lojë. Kyrgios që tre vjet më parë si numri 144 i botës e mposhti Rafën në Wimbledon, kur tenisti iberik ishte në fron, krenohej me bilancin e barabartë 2-2 në përballjet ndërmjet tyre, sidoqoftë këtë radhë numri 1 i botës nuk u influencua nga sjellja dhe nervozizmi i kundërshtarit, duke e privuar kështu tenistin australian edhe nga titulli i parë sezonal.
Për Rafael Nadal ky është titulli i dytë 500 pikësh në Pekin, pas suksesit në vitin 2005, gjithsesi në kryeqytetin kinez 31-vjeçari nga Mallorca ka fituar gjithashtu edhe medaljen e artë të Lojërave Olimpike të vitit 2008. Falë fitores së 61 të sezonit Rafa vazhdon të mbetet i pamundur që kur u rikthye në “çatinë e botës”, por mbi të gjitha triumfi në Pekin e çon në plot 2.360 pikë avantazhin e tij ndaj Roger Federer, në betejën e ashpër për ta mbyllur vitin në vendin e parë.
The World Champion and a new title #ChinaOpen #Legend #Nadal #rafaelnadal #VamosRafa @RafaelNadal @ChinaOpen pic.twitter.com/npKuvprNAr
— Nene_Nadal➓^3 12 33 (@nene_nadal) October 8, 2017
Promo
Reklamo këtuLufta Prigozhin - Putin
Më shumëNga Rubrika
Barcelona heq dorë nga sensacioni 16-vjeçar, Real Madridi përparon në bisedimet për transferimin e tij
Pique: Wenger më donte mua, Messin dhe Fabregasin së bashku te Arsenali
Gabriel Jesus shpërfill Bukayo Sakan kur zgjedh lojtarin e Arsenalit që mund të bëhet ‘më i miri në botë’
“Salah është lojtari më egoist që kam parë ndonjëherë”, legjenda e Liverpoolit godet egjiptianin
Ten Hag zbulon emrin e superyllit që Man Utd nuk arriti ta nënshkruajë në verë
Chelsea po përgatit një ofertë të çmendur për objektivin 17-vjeçar të Barcelonës
Roma 0-2 Bayer Leverkusen, nota e Granit Xhakës dhe të tjerëve
Barcelona e hapur për të shitur yllin e madh të ekipit
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe