Bunjaku flet për Telegrafin: Tregon gjendjen e fundit të përfaqësueses (Video)

Kosova do të luajë ndeshjen e radhës në kuadër të kualifikimeve të botërorit “Rusia 2018”.

Përfaqësuesja jonë do të takohet para shikuesve të vetë në stadiumin “Loro Boriçi” me kombëtaren e Ukrainës.

Para takimit të së premtes, në një prononcim për Telegrafin ka folur trajneri Albert Bunjaku, ku konfirmoi se do të jetë edhe në dy ndeshje zyrtare si trajner i përfaqësueses sonë.

“Këto janë dy ndeshjet e mia zyrtare të fundit. Është një kënaqësi e jashtëzakonshme për me përfaqësuar shtetin kundër dy kombëtareve si Ukraina dhe Islanda, të cilat luftojnë për vendin e parë, gjë që tregon se çfarë kundërshtar kemi pasur. Ne do të vazhdojmë të bëjmë ato performancat tona të mira, ku për fat të keq nuk e kemi pas fatin e mjaftueshëm”, tha Bunjaki.

Lexo po ashtu Bunjaku publikon listën e lojtarëve të ftuar për takimin ndaj Ukrainës dhe Islandës (Foto)

“Më herët i kemi pasur katër lojtarë që janë të lënduar dhe dy që nuk kanë të drejt me luajt lojën e parë. Tani na u kanë shfaqur edhe probleme të tjera, ku Besari (Halimi) ka një lëndim, gjithashtu edhe për Bledarin (Hajdini) do të marrim vend nesër dhe nuk janë kushte optimale”, tha Bunjaku.

Ndryshe, Kosova të premten do të takohet me Ukrainën në ndeshjen e fundit para shikuesve të vetë për eliminatoret e botërorit, i cili vitin e ardhshëm do të mbahet në Rusi.

Vlen të theksohet se në takimin e fundit të këtij cikli të kualifikueseve, Kosova do ta zhvillojë më 3 tetor (e hënë) kundër Islandës. /Telegrafi/