“Janë të përhumbur dhe kanë shumë para”: Zbardhen përgjimet e hajdutëve shqiptarë
“Eja këtu tek dera ime, sepse ka disa shënjestra të mira, shumë të mira, janë të përhumbur dhe kanë shumë para”.
Hetuesit grekë kanë përgjuar biseda të anëtarëve shqiptarë të bandës që vidhte portofola në metro, stacionet e trenit e autobusëve dhe në aeroportin e Athinës.
Janë 27 shqiptarë që u prangosën, pjesë e bandës me 31 persona, ndërsa pjesëtarët e tjerë të arrestuar janë dy grekë, një bullgar dhe një rumun.
Autoritetet greke kanë përgjuar një 32-vjeçar dhe një grua 35-vjeçare që të dy shqiptarë, që janë drejtuesit e kësaj bande që vepronte në Athinë prej 10 vitesh. 32-vjeçari ka qenë i arrestuar edhe më herët, për herë të fundit në vitin 2015 kur u akuzua përsëri për vjedhje të pasagjerëve në metro.
E përditshmja greke “Kathimerini” ka publikuar një pjesë të përgjimeve të shqiptares 35-vjeçare dhe dy bashkëpunëtorëve të tjerë.
A: Ku je moj?
B: Në Ethniki Amina (Stacion metroje në Athinë).
A: Ku je, nuk të kemi parë në dy trena?
B: Vëlla, unë punoj në aeroport për të kapur më shumë.
A: Ikëm ne, dolëm.
B: Pse?
A: Nuk të pamë ty, menduam mos ndodhi diçka dhe u larguam…edhe ti nuk përgjigjeshe.
B: Punoj o njeri…
Kjo është një bisedë telefonike mes 35-vjeçares dhe dy bashkëpunëtorëve që është përgjuar nga hetuesit grekë në pasditen e 16 qershorit.
Autoritetet kanë përgjuar edhe një tjetër bisedë të anëtarëve të kësaj bande, të cilët në një rast mundën t’i shpëtonin policisë.
“Për pak na kapën, por këto punë i di Zoti, mbron të tjerët por na mbron edhe ne. Është rreziku i kësaj pune, por gjithçka shkoi mirë”.
Banda “punonte” dy herë në ditë; nga ora 07:00 e mëngjesit deri në orën 09:30 kur ishte piku i lëvizjes dhe nga ora 17:00 deri në orën 21:00 kur njerëzit ktheheshin nga punët dhe dilnin në pasdite. Kryesisht stacionet e metrosë ishin pikat ku ata fokusoheshin më shumë, ndërsa shënjestrat e preferuara të tyre ishin turistët.
Deri tani policia ka zbuluar 700 raste të vjedhjeve të portofolëve, ndërsa mendohet se numri mund të jetë 4 mijë për shkak të kohës së hershme që vepronte kjo bandë. Anëtarët kishin siguruar edhe mbrojtjen e tyre. Ata paguanin zyrtarë apo ish-zyrtarë të policisë. Në dosjen e hetuesve është edhe një polic grek 49-vjeçar, i cili akuzohet për pjesëmarrje në këtë organizatë. Dy javët e fundit para se të goditej kjo bandë e përbërë nga shumica shqiptarë, polici grek kishte marrë 3 mijë Euro për t’u dhënë informacione grabitësve. /tvklan.al
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
Profesori i kriminalistikës: Bandat ruse porositën sulm në burgun e Reçit në Shkodër, ja si u planifikua
AGK-ja dënon intimidimin publik të deputetit Dimal Basha ndaj gazetares së RTK-së
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City