Berisha: PAN i ka ofruar LDK-së postin e kryeministrit (Video)

Avokati Besnik Berisha, ka theksuar se koalicioni PDK – AAK dhe Nisma (PAN), i ka ofruar Lidhjes Demokratike të Kosovës (LDK), postin e kryeministrit në rast se i bashkohet këtij blloku për ta formuar Qeverinë.

Anëtari i Këshillit të Përgjithshëm të LDK-së njëherësh këshilltar i kryeministrit Mustafa, në emisionin “Debat Plus” të RTV Dukagjini, ka thënë se “oferta ka qenë mjaft gjeneroze, dhe nuk e di se çka është më serioze në një ofertë se kryeministrin me ta ofru”.

“LDK e ka mundësinë me marrë kryeministrin, mirëpo nuk e ka pranuar. Edhe posti i kryeministri i është ofruar LDK-së, me kusht që të kalojë në koalicion me ta. Edhe nuk kanë pranuar, që ta dini”, ka theksuar Berisha.

Këto komente Berisha i ka bërë në emisionin “Debat Plus” me Ermal Pandurin, në temën: ‘Krizë pas Krize’, ku është folur për gjendjen aktuale pasgjedhore në vend dhe mundësinë e përsëritjes së krizës institucionale pas zgjedhjeve të vitit 2014. /RTV D/Telegrafi/

https://www.youtube.com/watch?v=gG3IggOEm50