Mourinho: Fati i sezonit vendoset ndaj Ajaxit, kthimi në LK do ishte fantastik

Jose Mourinho ka folur për arritjen e skuadrës së tij, Manchester Unitedit.

“Djajtë e Kuq” kanë kapur finalen e Ligës së Evropës në sezonin e tyre të parë në drejtimin e trajnerit portugez, Mourinho, pasi kanë mposhtur Celta Vigon në gjysmëfinale.

Megjithatë, “Special One” vlerëson se fati i sezonit të skuadrës që ai drejton do të vendoset në finale me Ajaxin.

Lexo po ashtu “Djajtë e Kuq” kapin finalen e Ligës së Evropës pas shumë vështirësive ndaj Celta Vigos (Video)

Sipas Mourinhos, fitimi i Ligës së Evropës dhe kualifikimi i Unitedit në Ligën e Kampionëve për sezonin e ardhshëm do të ishte diçka fantastike.

“Fati i sezonit tonë do të vendoset në finale me Ajaxin, por megjithatë puna që kanë bërë djemtë përgjatë gjithë sezonit nuk mund të justifikohet në një ndeshje të vetme”, ka deklaruar fillimisht Mourinho.

“Por ky është realiteti dhe nëse nuk fitojmë finalen gjithçka do të hidhej poshtë”, përcjell Telegrafi.

Lexo po ashtu Finalja e Ligës së Evropës, Unitedi e prek për herë të parë në histori

“Nëse ja dalim të mposhtim Ajaxin dhe të rikthehemi në Ligën e Kampionëve do të ishte diçka fantastike”, përfundoi trajneri portugez.

Ndryshe, finalja e Ligës së Evropës luhet me 24 maj në Stokholm. /Telegrafi/