Ministri i Punëve të Jashtme të Kosovës, Enver Hoxhaj ka thënë se përvjetori i 100-të i shtetit të Finlandës “është një mundësi e mirë për të rishikuar të kaluarën, të tashmen dhe të ardhmen”.
“Lindja e Finlandës si shtet ka qenë një lindje në rrethana dramatike por lindja e Finlandës para 100 vjetësh, ashtu sikur edhe e Kosovës, ashtu si edhe lindja e shumë shteteve të vogla në botë janë triumf i besimit, shpresës dhe i të drejtës mbi kufizimet e historisë”.
“Popujve të vegjël ju merr shumë kohë që historia të jetë në anën e tyre”.
Hoxhaj që këto komente i ka bërë në seminarin e organizuar nga Ambasada e Finlandës në Kosovë me rastin e 100 vjetorit të shtetësisë së Kosovës ka thënë po ashtu se Kosova dhe Finlanda kanë marrëdhënie shumë të mira, si miqësore, ashtu edhe shtetërore.
“Së pari, marrëdhënia në mes të vendeve tona është një miqësi mes popujve para se të jetë miqësi mes shteteve me marrëdhënie të shkëlqyera shtetërore”.
“Shumë qytetarë të Kosovës në një kohë të përndjekjes politike në vitet 80-ta, ashtu si edhe gjatë Apartheidit në vitet e 90-ta si edhe gjatë luftës në Kosovë kur ishin të kërcënuar me ekzistencën e tyre kanë gjetur siguri fizike dhe emocionale në Finlandë”.
Hoxhaj ka thënë se “Kosova i është mirënjohëse Finlandës”, njofton Klan Kosova.
“Duke qenë e përkushtuar për paqen dhe stabilitetin, Finlanda ashtu si vendet tjera nordike kanë mbështetur aspiratën tonë për liri dhe pavarësi”.
“Marrëdhënia në mes të vendeve tona është një lidhje e veçantë dhe një lidhje ndërpersonale dhe kjo mbështetet tek një personalitet si Marti Ahtisaari”.
Sipas Hoxhajt, Ahtisaari ka ndihmuar shumë Kosovën, si gjatë luftës, ashtu edhe në krijimin e shtetësisë, njofton Klan Kosova.
“Është roli i tij si ndërmjetës ndërkombëtar për t’i dhënë fund luftës në Kosovë, ashtu si edhe negociatat në Vjenë dhe produkti final është plani i tij për Kosovën e pavarur”.
“Plani i tij është thelbi i shtetit tonë që bazohet në tri parime që kanë qenë edhe aspirata të vullnetit tonë, Kosova multietnike, demokratike dhe sekulare”.
Sipas tij, “Ahtisaari nuk është teknikë apo metodë e strategji në negocim por është një shkollë në vete për menaxhimin e krizave”.
“Ahtisaari mund të krenohet me arritjet e tij kudo në botë, por të rralla janë historitë e qëndrueshmërisë së suksesit si historia e Kosovës”.
“Politika e jashtme e Kosovës mund të mësojë shumë nga Finlanda se si të sillen në arenën ndërkombëtare por leksioni më i rëndësishëm është prioriteti i tretë i tyre në politikën e jashtme, dhe po e them në formë të metaforës: nëse ballafaqohesh me ariun e bardhë (Rusinë), Finlanda është një shembull i mirë”.
Promo
Reklamo këtuLufta Prigozhin - Putin
Më shumëGjeti trupin e 9-vjeçares në Bunë, peshkatari: Pashë me dritë telefoni, dukej si kukull
DW: Sinjale alarmi nga Ballkani - po përsëritet historia?
Policja që u raportua e zhdukur paraqitet në stacionin e Rahovecit
Pahor paraqet interes për të drejtuar dialogun Kosovë-Serbi, a do të zgjidhet ai si zëvendësuesi i Lajçakut?
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'