Chelsea po përgatiti super skuadër për vitin e ardhshëm, kështu duken Blutë e Londrës me pesë përforcime (Foto)

Chelsea dëshiron ta shtojë konkurrencën në skuadër për sezonin e ardhshëm ku do të luajë edhe në Ligën e Kampionëve.

Këtë vit me njërën dorë në titull, skuadra e Antonio Contes, në dhjetë xhirot e fundit do të tentojë ta mbajë distancën pasi tani është dhjetë pikë epërsi.

Por drejtuesit e klubit londinez janë duke menduar edhe për transferime.

Do të ketë disa lojtarë që do të afrohen për të shtuar konkurrencën në skuadër, por edhe për ta zëvendësuar ndonjë që do të largohet.

Duke filluar nga mbrojtësi i Southamphton, Virgil Van Dijk, e duke vazhduar me bashkëlojtarin e tij në të majtë Ryan Bertrant, janë dy lojtarë që pëlqehen shumë.

Pastaj me N’Golo Kanten mund të vijë të luajë Bakayoko nga Monaco.

Edhe sulmi pritet të ketë ndryshime.

Në të djathtë mund të vendoset i shumëpërfoluri, Alexis Sanchez, ndërsa për sulmin po mendohet rikthimi i Romelo Lukakut.

Më poshtë mund ta gjeni formacionin se si do të duket Chelsea nëse arrin t’i sigurojë lojtarët që i duan. /Telegrafi/