Me fitore bindëse, Dortmundi vazhdon në çerekfinale (Video)

Borussia Dortmundi është kualifikuar në çerekfinale të Ligës së Kampionëve pas fitores së lartë ndaj Benficas në ndeshjen kthyese të 1/8 së finales.

Përballjen e parë në Estadio da Luz e fitoi skuadra portugeze me rezultat 1-0, mirëpo ekipi gjerman përmbysi gjithçka në Westfalenstadion duke fituar me rezultat 4-0.

Kjo ishte nata e Pierre-Emerick Aubameyang, i cili realizoi het-trik në këtë sfidë. Golin e parë sulmuesi e shënoi që në minutën e katërt dhe ky ishte goli i vetëm në pjesën e parë.

Christian Pulisic e dyfishoi epërsinë (59’), ndërsa menjëherë pas Aubameyang shënoi golin e tretë (61’).

Pierre-Emerick Aubameyang e kompletoi het-trikun dhe mbrëmjen e tij fantastike në minutën e 85-të.

Në këtë mënyrë, Borussia Dortmundi vazhdoi në çerekfinale me rezultat të përgjithshëm prej 4-1. /Telegrafi/

http://www.dailymotion.com/video/x5e9qf5_pierre-emerick-aubameyang-goal-vs-benfica-1-0_sport

http://www.dailymotion.com/video/x5e9vww_christian-pulisic-goal-hd-dortmund-2-0-benfica-08-03-2017-hd_tv

http://www.dailymotion.com/video/x5e9x25_pierre-emerick-aubameyang-goal-hd-dortmund-3-0-benfica-08-03-2017_sport